有visa咪得囉,早咩要paypal?

用黎比錢的話的確係差唔多
不過如果在收錢果方面去睇就會差好遠

如果用 VISA (信用卡收款), 你要先向銀行申請碌卡機或網上刷卡的功能先，銀行會向你收取服務費。另外當碌左個客張卡之後, 你要將實際的單據再交去銀行先可以收到錢, 而每次銀行都會收你手續費, 手續費用跟據銀行同信用卡種類會有唔同，加上銀行的處理時間，快極都要幾日先收得返錢。加上如果單數唔多 (除左碌卡的手續費, 有 D 銀行返單時都會每次同你計手續費) 可以就會儲埋 D 單一段時間先拎返去銀行都唔出奇
但係如果用 PAYPAL，只要你個 PAYPAL 戶口同你跟行戶口連結左的話, 雖然都係會有手續費，但係當你收到買家付款之後就可以即時在網上作出指示將錢匯返落你銀行戶口，可以話等同即時收到現金，對商戶黎講多D流動資金在手的話，在生意上亦會比較化算。

如果你唔係商戶，而係個人形式做下 D 小買賣 (網上拍賣之類) 就唔會專登去申請 VISA，如果冇 PAYPAL的話, 就只能夠用現金、支票或者銀行過數的方法。買家都係香港的話就問題不大，不過如果係海外買家，唔可能郵寄現金，匯款或者要開港紙支票的話又要去銀行比手續費，分分鐘銀行手續費仲貴過件貨。

另外在買家的立場黎睇, 如果你在十間唔同的網上商舖買野, 全部都用 VISA 的話, 咁你的信用卡資料就會比十個人知道，而用 PAYPAL 的話就只有 PAYPAL 會有你的信用卡資料，可以減低泄漏資料的危險性。