我中二英文好差 有無得追

有冇得追就事有人為架姐.
如果你真係有心追o既話,
建議你可以 請補習or 去補習社補習(EG: 英皇..),
你要一方面打番好個基礎, 穩固好D基本野先,
另外你又要一方面追趕而家學緊o既野,
要兩方面同部進行, 如果唔係你就會追極d英文都追唔到,
最好就請私人補習, 雖然係貴d,
但係私人補習老師會因你o既進度去教你, 好過你唔知點入手`

另外, 你可以每日都睇英文報紙or英文圖書,
一方面你可以學到更多生詞(當然自己要下苦功去串字),
另一方面睇英文報紙可以學英文之餘又可以知道時事,
一舉兩得`
初初睇可以會唔習慣, 睇唔明, 但你都要堅持盡量去睇,
根據上文下理去估, 再唔就先查字典, 慢慢你就會進步`
學英文唔係一日兩日o既事,
要學好英文一定要持之以恆~ 祝你成功!

可以報英國文化協會 / 請私人老師補習
慢慢由你小學程度教返起
你有心的話幾個月都夠你追返去中 2

當然有得追啦, 只要你有心去學好英文, 你就會用盡所有辦法去理解. 咁你知唔知你英文邊方面比較弱? 例如生字,文法等等. 知道之後就從個方面著手, 應該比較容易掌握英文嘅學習. 仲有, 死記爛背都係方法一種, 但係明白之後再記, 就容易得多!