邊個刑事律師平

刑事案都有分好多種,基本上,每個律師都有唔同專長。
你無講你犯左咩案,更加難答到你。如果只係上裁判法院,可以選擇請律師或大律師代表你。
相反,如果你要上區域法院 或 高院既,就只可以透過大律師代表你。收費有平有貴,根據以下因素而定：
1.案件的複雜程度？ (汲及文件愈多,案件愈複雜,收費愈貴)
2.邊個法庭？ (上高院,一定貴過上裁判法院)
3.上庭的次數？ (愈多次,收費愈貴)
4.律師 / 大律師年資？ (年資愈深,收費愈貴,因為經驗愈豐富)
5.律師 / 大律師名氣？ (愈出名,收費愈貴)請律師,唔係講玩,請之前,一定要認真考慮以下問題：
1.你請律師既預算係幾多？
2.犯左咩案？
3.有無能力負擔日後既律師費？

2011-04-01 17:38:40 補充：
你朋友可以選擇同警察傾簽保守行為,至於成唔成功,要睇好多因素,唔係必定成功。
當然,要傾就唔係你朋友同佢傾,而係需要親自由律師來直接同警方 / 律政司傾。

而且你既代表律師需要係上法庭之前,要同警方 / 律政司傾好,所以需要快D搵律師接手處理。

一般既藏毒案,會係裁判法院處理,而且認左罪,
所以你朋友只需要搵普通律師就可以。
建議你去律師行,徵詢法律意見。
你朋友單case唔係好複雜,
一般來講,上律師行徵詢法律意見,都唔會收費。

而請律師既事,你只需要同律師行既人講,佢地就會識得幫你處理。