拖板VS萬能插蘇

理論上,兩者都可於市面出售,都可以算係安全,如果我以一個嚴格標準去睇,兩者都有危險,係在於使用者本身既行為,而非產品.

你可以留意下,政府機構係唔會用拖板同萬能蘇(特別係萬能蘇),佢地每件電器都會直接插入牆身固定裝置(13A插座),主要安全理由有2點,第1,固定裝置以環形線路鋪設,可承受較大負載,拖板只以單組線路提供電源,負荷過重機會較大.第2,係最常見既問題,就係接觸不良,你可以試下,要將插頭拔出,如果該插頭係從牆身插座拔出,是較容易由拖板或萬能蘇中拔出,證據係,前者單手就可以,後者就需要雙手操作,咁由此可以推算,拖板與插頭經過多次出入,加上使用者並不能夠每次都以相同方向出入,所以會鬆,於是銅與銅之間,接觸面積會減少,形成電阻,產生熱力,產品有機會燃燒.

拖板非固定裝置,只合作臨時使用,亦只能使用負載較低之電器,每個插位只能插一個插座,亦要確保電線鋪設於一個安全而又通風既地方.

而萬能蘇,我個人就一定唔用,因為萬能蘇多數插入牆身插座,好多原因會導致插唔實,例如地心吸力,又例如唔小心拉到電線,跟住又出現過載問題.

最後,都係關注番屋企既漏電斷路器,呢件野可以補充番全屋電器不足之處(安全方面).

我建議你使用拖板,但係拖板必須按照《電氣產品(安全)規例》規定，拖板及萬能蘇的每一個插座，並須符合BS546或BS1363安全標準及本身附有所適用的安全標準編號。但也要住意拖板不會以掛在空中,必須貼於地上.

只要符合機電工程處的規格便算安全。

唔用拖板或萬能蘇，電腦，手機充電，相機充電，mp3充電，遊戲機充電點充呀？全部用牆身獨立插頭？屋企的牆身真係成身洞囉。