咁樣仲有冇朋友做?

我係一個平時唔多講野,性格又孤僻既女仔,
我份人幾認真,但係學校入面同我玩開果班朋友就好中意開玩笑,
所以我正係同果班人入面2個偏認真既人特別熟,
同D好玩得好講得笑既人反而冇咁熟.

前排佢地成班人開始講我同一個男仔有野,
仲我就快升到做佢正室.....
果個男仔就係果班朋友入面同我最熟既其中一個,
唔知佢地係認真定講笑,但果時我就衰在太認真,
我好認真咁同佢地討論點解會咁講,
但係佢地就一味咁講同笑..
初頭個男仔都冇野,佢應該唔介意比佢地咁講,
但係我好介意,同埋唔知係我太認真嚇親左佢定點,
之後佢都冇咩再搵我,
仲佢轉左同另外一D朋友玩,

我有問過佢點解要走,係咪因為要避開
但佢話同我冇野,只係覺得果班朋友唔適合佢先轉過一班
但係其實我就唔覺得係真話..
我有搵過佢,但係佢好似好冷淡.
可能依家佢覺得再花力氣同時間同我講野都係無謂啦
其實我真係好唔想佢走,
同埋諗唔明本來咁熟既2個人會突然間變到咁陌生,
其實會唔會係我嚇親左佢?
我知係我既問題先搞成咁,但仲有冇方法挽回?
有冇方法可以令佢同返我地玩?
就算唔得,咁以後同佢仲有冇朋友做?