我應否遠離身邊D人？

我依家好煩惱，關於身邊D同學。
首先，我地班。

A:我，男，成績算OK，平時少理其他人，經常去自修室溫書。
B:男，成績同我差唔多，但係成日往負面方面諗，同C好friend。
C:男，成績好普通，不過成日賣弄知識，成日講打機嘢，行為幼稚。
D:男，成績都普通，體育都幾好，平時少同佢一起。
E:女，中五重讀生，成績好過我，個性都好好，但我好少同佢一起。
F:男，大陸生，成績差，但係係我地班上算好啦，以前成日串人，不過依家冇乜。
其他:我地班D人行為好幼稚，成日無聊就拋黑板布去風扇；又唔肯讀書，上堂超級吵，成日話先生好差，其實根本就係佢地有問題。


A B C D係S1-S3全班上成績最好個幾個。S4來咗E、F，E係S5重讀生，成績其中算係好嘅；F係大陸男生，中英成績差，但係算勤力。

有一日，C突然間話，F成日同高form師兄一起溫書，教佢，好黑人憎啊，我地要重組強學黨，唔好比佢睇唔起。後來，我就加入啦，因為始終識咗幾

年，仲有F都好串下。

但係，我越來越討厭C，好似佢成日講大話，話佢係以前間學校，考全級10名內，但係係我地間學校就連10名都冇，佢果間仲係band2，我呢間係

band3，仲有佢話佢個妹科科都90幾分，我都唔係好信；跟住成日同B一起傾打機，行為超級幼稚；成日都係諗負面嘢，又懶，而且，成日賣弄知識，

成日都講埋D專有名詞，好似得佢一個人識。

後來，我唔理B同C，而且我覺得佢好似專登排斥F太勤力，有一日，我由於身邊根本就冇人同我一起溫書，於是我揾F同我一起溫書，我發現原來佢冇

揾人幫佢，而係靠自己，而個性格又改咗，唔會串人。漸漸地，我都遠離B同C，同F一起溫書。

Q:我想問，我應唔應該遠離我地班D懶人，包括B同C，而同肯讀書嘅人一起？我諗咗呢個好多日，但係都唔知點樣？