請在英國的香港人回答

halo, 我係英國讀緊書, 希望幫到你丫=]

1) 我諗你果個係遊學團黎既, 23日, 唔會係日日都去學英文 (as in 日日有堂上果d), 好多遊學團都會有佢地自己既timetable, 有一d 呢, 就會星期1~5 上午會上英文班, 下午就同你出去玩, 認識英國多一d, 而有一d 遊學團就係星期1~5全日都係學英文既, 之後weekend 先去玩既, 而你果個係學校攪既.. (我之後未去英國讀書前, 我中學都有攪) 所以問番學校, 有冇timetable 係最好既, 因為如果你既目的真係去上英文堂同埋係日日講英文既話, 咁個expectation 就可能會太高既...

2) 果時我都好想去, 但最後係我朋友去左, 我問番佢係點啦. 之後佢話host family就2~3個人住, 如果你要request 自己一個人住都ok, 但老師可能會怕你唔安全, 住host family, 因為同同學住, 變左係房度, 亦唔會講到英文, 只係可能同個host 食飯先會講到野, 而如果唔係住host, 係住boarding house (因為學校summer 唔番學, 變左有boarding 既chance)既話, 咁就更加講得好少英文既, 因為晚上, d hk人都會一齊講下野, 食下野咁, 所以晚上講英文既機會唔太多.

3) 而早上既course, 我個朋友就話係教你grammar, 寫文章等等既, 大概十幾個人一班既.. 我問佢係唔係學到野, 佢就話, 同係HK 上英文堂分別唔大, 只係個老師變左做英國人, 同埋個環境都變左好多, 同埋如果佢帶你出去玩, 你可以同英國人多講野咁..

4) 我自己就冇去到啦, 但其實我覺得, 如果你係想學好d英文既, 你可以係hk join british council果d course, 亦會有英國人老師教你既, 而去英國親身學既好處就係真係可以係果個environment 感覺到周圍都有英文包圍住你咁, 同埋你未去過英國既, 你亦可以大開眼界, 好多朋友去完學校個遊學團之後都話想去英國讀書, 因為鍾意個環境冇hk 咁嘈, 氣氛好好, 但係如果參加遊學團一多hk人, 又或者好多朋友同你一齊去, 到時候, 學到既英文可能唔太多 ((i.e 你唔會同hk 自己同學講英文吧?! ))]

5) 最後, 個人覺得, 如果你真係好想去睇下英國呢個地方, 學下英文 (個人覺得23日話長唔長, 話短唔短, 學到既野, 又真係唔知夠唔夠..)), 識多d 唔同既朋友(i.e from other forms), 嘗試同英國人溝通既, 你可以去, 但如果$$ 真係一個問題, 而且你期望真係日日係咁講英文, 同中文絕緣, (i.e 番到黎變左第2個人,英文講得非常好), 同埋你覺得如果今次你唔去, 真係唔會會後悔既話, 咁其實, 可以唔去, 留番d錢, 第時去英國讀大學, 又或者係去英國讀一年既英文foundation, 咁樣樣, 對你既幫助可能會仲大既.

希望幫到你丫, 有d咩可以再email我的=]