退左學,仲有冇綜援拎,我阿媽好擔心

首先我真係唔知佢點解報上教育局
如果你冇講學校應該唔知你拎綜援
更加唔會為o左你份綜援報上社署
但社署要查實查到
咁你又讀完中三過o左九年免費教育
照計政府唔會強制你番學
唔讀咪唔讀囉...
可能始終係教育方面o既事點都要上報？又或者想搵社工(非綜援)跟進？

入正題
我諗應該就唔會停你份綜援住
據我所知如果冇工做佢會要你keep住匯報你搵工o既情況或者搵埋工叫你去見
所以我諗就算佢知道你冇讀都只會叫你去搵工
但係你讀中四我諗你得15、16歲
唔係好多地方會請
其實你自己本身諗住點？
係諗住讀第o的o野？做o野？定身體/情緒有問題所以唔想讀？
其實拎綜援每人份錢好似得千幾蚊
你做份part time都多過佢啦
驚咩停o左你份綜援冇o左你份錢？

2011-03-28 10:31:48 補充：
你意思你報o左IVE但係而家又唔想讀IVE想讀番334？
咁去搵番個中四學位讀咪唔駛驚扣綜援囉？

其實...筆綜援好似唔係車錢、飯錢咁分開計？
好似有一欄係日常生活開支，就係最基本o既我之前講o既每人千幾蚊
租金另計，水電煤冇另計
如果有細路要番學好似只係臨開學先有多幾千蚊畀你買書買校服咁
平時好似係冇多筆錢特別畀你搭車食飯o架o波...

其實我o地又唔係o係社署做
我o地都只係照常理推測估估下
我都覺得唔會扣你份綜援
就算你冇讀書冇做o野都應該唔會扣
只會不停叫你去搵工或者勸你讀番書咁

2011-03-29 15:49:06 補充：
哦！唔想讀，想學o野！
咁就易辦啦！

如果唔番番學，你呢三個月會做咩？
學校當o左你自動退學，你可以拎番個學位繼續讀埋呢三個月？
如果你呢三個月係百無聊賴o既，又拎得番個學位咪讀多三個月囉。最後o既傳統讀書生涯，得番三個月，好好珍惜，第日可能會好懷念，就好似大部份人讀書時望番工，到番工又覺得讀書好咁。可能你冇乜包袱輕輕鬆鬆咁讀呢三個月會覺得好開心呢，好多人番工番學都係為o左同o的同學同事吹下水，咁又一日o架喇
但如果你真係好唔想番學o既，可以搵part time甚至full time做下丫，成半年咁耐，dum懶o左個身到九月都唔想番ive就o徙錢o徙時間啦

2011-03-29 15:49:31 補充：
其實唔番學又唔代表咩o既，呢個年代好多o野都可以自學，有心學o既，自己上網、睇書學得仲多o野啦！
我唔覺得學歷有幾重要o架~
有學歷但成個白癡咁唔識做人，際遇又差o既話，盞o徙晒o的時間同學費...然後又走去怪政府怨政府鬧政府...
冇學歷都大把出路，睇你有冇用下個腦o架o者
最緊要係你想點！

可以升中四為何不讀書?你只有中三程度, 可以做什麼工? 你這麼大, 你媽媽取綜援不做工, 你現在不讀書, 你媽媽只擔心綜援, 品德非常差. 你放心, 你家的綜援不會扣除, 每個學生退學都要呈報上教育局.社署一定知道你停學. 你不讀書, 可有想過找工作?如果你有工作, 你家的綜援會扣除你那份. 你是想不上學不工作? 又學你媽媽取綜援過活? 真的這樣, 你是社會的註米大蟲 .全無羞恥之心. 我當年升讀中四時(要付學費),受朋輩影響也想退學不讀書, 幸虧家人強烈反對.我便完成中學課程(f.5). 幸好有f.5程度, 我容易找工作.轉工又容易. 你只有中三程度, 是工選擇你, 不是你選擇工.現在很多工作都要求有中五程度, 大公司工作人工高,糧期準, 好福利,但一定要有中五程度. 你教育程度中三, 到你的子女又會什麼程度? 你想世世代代都學你底學歷和取綜援過活?讀書又免費,上學是舒服過上班. 揾社工幫手找回學位, 乖乖地上學去.

學校當你自動退學處理，所以咪要呈報教育局，個人覺得同你份綜援無關，因為若你讀政府津貼學校，其實你已享有免費教育....不過，我覺得好可惜，因為你已經讀到中四，雖然讀書(尤其係新學制)係辛苦，但若能解決學習問題(找老師/同學/補習班的幫忙)，都係仲有2年就畢業，起碼有一定學歷，找工作有多d選擇。
其實，學歷不足，將來條路就難行d，希望你從新再想想...