飼養櫻花蝦

Q1：櫻花蝦其實唔難養,任何水草蝦都易死,只要比d心機同耐性就可以。

Q2：水質要用養水養,即係d水喉水開出來等12小時後才用,
換水都要用養水來換。

如果冇(底喉)和(潛水泵)d泥唔好鋪太厚,要鋪超薄,
因為d污漕野入左去泥入面可以用吸泵吸出來,
如果泥太厚吸唔到入面d污漕野出黎滋生左细菌全缸蝦會死哂。

食糧可以餵蝦糧,亦可以餵燈魚魚糧。

水草可以落小小,d蝦會自己食水草上面既微生物。

Q3：將適量既泥放入魚缸,然後將水較得很慢,射向玻璃邊,
千其唔好直接射向泥果度,搞到d水濁哂有排都濾唔清,
第一次注滿水,全部唔要,用吸泵全部吸走哂佢,
用呢個方法再注滿水,第二次缸水就可以要番,
d水都係奶白色唔清係正常架！
等幾日濾水器濾清d水就可以,
跟住可以買水草,洗乾淨d水草放入魚缸,
然後就可以買蝦仔。

Q4：可以一星期換兩次,每次换1/3水,一定要用養水來換,
入水落魚缸個咀,一定要較得好慢射向玻璃邊,
唔係整到d水濁哂可能會整死d蝦,
每換10公升水落一匙粗鹽,食飯盒果隻匙,d蝦會冇甘易死。
計算公升方法,水位計: 長?吋x闊?吋x高?吋÷62=?公升

Q5：放蝦之前落d粗鹽入魚缸,
每10公升水落一匙粗鹽,食飯盒果隻匙,
計算公升方法,水位計: 長?吋x闊?吋x高?吋÷62=?公升
跟住成包蝦放入魚缸内等30分鐘後使蝦仔適應水温,
然後可以剪袋,倒1/3水出來唔要,加番d魚缸水入袋入面,等10分鐘,
重覆做呢個動作合共3次,之後袋入面d水全部唔要,
撈d蝦仔入魚缸就可以。

記得買一個迷你抽水泵,係橙色既,$10一個,
因為佢吸力好細冇甘易吸到蝦仔。

夏天d水温高過26度,用膠樽入水雪成冰,成支放入缸降温,
雪櫃冰箱放多幾支膠樽冰,方便交替循環使用。

希望你養到一缸健康既櫻花蝦啦！











2011-03-28 00:37:12 補充：
養12小時水就可以,記得等幾日等d水濾清哂先好去買蝦仔。