請問尖沙咀太空館坐車到科學館點去呀

你於尖沙咀碼頭巴士總站或尖東站J1出口對出既梳士巴利道,乘九巴5(冇冷氣$3.2,有冷氣$4.4)/5C($5.0)於"加連威老道"落車,向前行上天橋,喺天橋上右轉,之後一直行到盡就入咗科學館.

於旺角鐵路站,可於彌敦道近快富街(即大約B1出口既位置)乘九巴41A(冇冷氣$3.7,有冷氣$4.4)/203($4.4),或彌敦道近奶路臣街(即大約E2出口既位置)乘九巴87D($5.5),同樣於"加連威老道"落車同埋依上面5/5C落車之後既方法咁行就得.

2011-03-24 22:48:47 補充：
於尖東站J1出口對出既梳士巴利道即大約中間道兒童遊樂場對出既梳士巴利道; 於該站上車既話,除咗5/5C,仲有九巴26($5.8); 另外如果乘九巴5,於尖沙咀碼頭總站上車應該係收冇冷氣$3.7,有冷氣$5.0

2011-03-25 22:46:11 補充：
先補充去程:
其實除咗5同5C之外,仲有九巴8($4.4)/8A($3.7)/28($5.0)號線: 28號線同5/5C一樣,而8/8A就要於"金德大廈"落車之後行番轉少少先至到嗰條天橋.

事實上有部份路線係之後有個站叫做"香港科學館",不過該站附近並冇任何過路設施直接過對面,所以都係"加連威老道"或"金德大廈"落為好.

回程方面,你只需要由科學館地下出返漆咸道南(唔需用天橋)乘返九巴5(冇冷氣$3.2,有冷氣$4.4)/5C($5.0)/8($4.4)/8A($3.7)/28($5.0)於尖沙咀碼頭總站(落客站)落車便可.