有關養金米奇的問題

我的魚缸 25CM長..16CM闊...8CM高..可以養多少條金米奇呢?
最多10條夠了,你唔用濾水器,養唔到太多。

洗唔洗用一D氧氣G 水草 氧氣泵 ..(我唔想用氧氣泵個D電器)
唔用都得,因為米奇個咀生係上面,識自己上水面呼吸,
淨養米奇是可以的,但一定要勤换水,隔天换一次,每次換2/3水。

點換水呢?人地話換水前要放定D水1~2天..
水喉水放出來用膠桶載住,等12小時後d氯氣走哂就可以用黎換水,非常安全。

仲有點樣喂糧法?..我之前都養過1次..但係D魚唔活躍..係咪因為無氧?
每天餵魚糧一次就可以,不要餵太多,20分鐘内全部食哂為準。
d魚唔活躍係冇落粗鹽養,唔關無氧事,你落番粗鹽養就可以,d魚就會好活躍,
每10公升水落一匙,食飯盒果隻匙,
計算公升方法,水位計: 長?吋x闊?吋x高?吋÷62=?公升

魚缸9大係咪即係9氧..佢地就會活躍??
唔係！

我仲想問下..係咪有種清道FULL魚叫花鼠?..+埋一齊養得唔得?...我係咪要用清缸養??
你個缸唔可以加埋花鼠一齊養,因為個缸冇濾水器或者氣泵提供氧氣,
d花鼠會死。
你一定要用清缸養,因為冇任何濾水設備,如果唔係好易整污漕d水,
d魚會全部死哂。

希望幫到你啦！


2011-03-25 18:05:57 補充：
如果得1-2公升水,就落1茶匙,飲咖啡加沙糖果隻匙。

2011-03-28 18:40:12 補充：
果條斜身金米奇應該本身有d問題,真係好大機會會死。

無錯,d粗鹽係放魚前放架。

唔洗太擔心,d魚冇哂d水一陣間係唔會有事,即刻放番入缸就可以。

唔需要日日換水,因為你冇濾水器,隔日換水就可以,
即係今日換左水,聽日唔洗換,後日先至換,
記得換完水加番d粗鹽入魚缸,d魚就冇甘易有病。

2011-03-29 18:56:59 補充：
可以買一條細既枇杷魚,因為佢地可以唔洗用氣泵養,
枇杷魚得一個功能,就係食魚缸底d食物,其他功能就冇乜,
千其唔好買蝴蝶枇杷,因為好易死,買虎纹枇杷或者普通枇杷就可以。

2011-03-30 19:57:13 補充：
你條魚大左肚,係缸底唔郁係好正常,

如果條乸未受精會生卵出黎,冇魚仔,

如果條乸有受精個肚再大d疴屎上面個位置先會見到黑點,

甘代表條乸就黎生bb,要買一個散仔兜比佢,最好係用日本既,唔會走d bb出外面比其他魚食哂。

生完bb之後撈番條乸出大缸,bb係散仔兜入面養,因為媽媽會食bb,

養大d先放番出大缸,去旺角魚街(天河水族)買豐年蝦幼體比bb食就可以,$6一包。