人生有咩意義

人生有乜意義?
咁你自己認為要點樣先萛係有意義呢?

其實你暫時都唔使想得咁複雜喎,首先當然係要做好自己的本份先啦,即係你先要做好你自己應該要做的工作,如果你係學生,學業成績就要做到最好,如果你係返工,工作成績就要做到最好,做人起碼都要對得住自己先可以心安理得吖!
如果返學讀書無心機,時時唔合格,或者返工做野無心機,時時要轉工,搞到自己一事無成,咁做人都無乜意義啦,你話係唔係?

點解你自己唔想想自己應該適合做乜野好呢?
人地都唔清楚你有乜野條件,又點可以幫你想呀?
其實每個人都一定有自己的強項同弱點,如何發展自己的強項同改善自己的弱點就係人生的正確方向,只要你朝著正確的方向前進,就會感到生活有意義的了!
我給你的意見就係你要清楚自己的條件適合做乜野就做乜野啦,每樣野都一定有好有唔好,最緊要係適合自己的條件先有機會發展呀!

你問人生有乜意義?
雖然人人對人生意義的要求唔同,但我認為最基本首先都要自己能夠養活自己,唔好拖累別人,如果再可以做到幫助別人,回饋社會,人生咁先萛係有意義!

用最少的悔恨面对过去
用最少的浪费面对现在
用最多的梦想面对未来