窮人打算養蝦仔, 裝備一問*v* [10點]

我係窮人黎,希望你可以用最小錢養蝦仔。

打算用: 缸+草+魚缸水+生物環+羅仔+蝦仔 only, is this ok?

基本器材要:缸+草+魚缸水+濾水器+温度計+蝦仔,

濾水器用(掛濾),d水由高流下先比到蝦仔氧氣,

如果缸太細用唔到(掛濾),改用氣泵+氣喉+迷你水妖精 都可以。


1 唔用濾水可以嗎?(勤d 換水)
唔可以,因為產生唔到氧氣,d蝦仔會全部死哂。

2 泥底用石仔代替可以嗎?
絕對可以,但係要鋪超薄,唔係d污漕野入左石仔入面,用泵吸唔番出黎,
產生細菌d蝦仔會全部死哂。

3 唔用硝代菌,定水劑可以嗎?
(我有養魚, 用番o個d 水代替可以嗎?)
絕對可以,但係唔好用你養魚魚缸d水養蝦,因為唔夠乾淨,
你只要用水喉水等12小時後才用,甘樣d水又乾淨又安全。

4 生物環直接放缸底可以嗎?
可以,但係冇乜作用,可以慳d錢,唔好買都得。

5 用羅仔做清潔可以嗎?
可以,但係冇乜作用,可以慳d錢,唔好買都得，
養耐左個缸入面會產生d滑汕汕野,用手用海綿擦走佢就可以,快捷又方便。

6.要買一個(迷你抽水器),係橙色既,$10一個,旺角魚街(升輝水族)有得賣,
方便吸d污漕野出黎又唔會吸走d蝦仔,因為d吸力好細。

7.唔好養水晶蝦,水晶蝦冬天要用暧管,唔係水温時高時低d水晶蝦好易死。

8.放蝦仔入缸之前先放d粗鹽入缸,d蝦仔會冇甘易死,
每10公升水落一匙,食飯盒果隻匙,
計算公升方法,水位計: 長?吋x闊?吋x高?吋÷62=?公升

9.夏天d水温高過26度,用膠樽入水雪成冰,成支放入缸降温,
雪櫃冰箱放多幾支膠樽冰,方便交替循環使用。

希望幫到你啦！




2011-03-24 16:36:33 補充：
用燈魚魚糧餵蝦仔就可以,唔洗去買蝦糧,

如果平時你餵魚既魚糧係大粒黎,用鎚仔整碎佢先餵就可以。

你好, 其實養寵物除左要有愛心錢都係幾重要, 有時有d錢係一定要洗既.

1 唔用濾水可以嗎?(勤d 換水) --> 可以, 每日換,1/3 或 1/2
2 泥底用石仔代替可以嗎? --> 最好唔好用石仔, 好易藏左垃圾=壞水
3 唔用硝代菌,定水劑可以嗎? (我有養魚, 用番o個d 水代替可以嗎?) --> 最好唔好, 如果咁做就要確保魚缸水靚
4 生物環直接放缸底可以嗎? 最好唔好, 好易藏左垃圾=壞水, 同埋生物環係要有水流流過先有作用, 死流冇用
5 用羅仔做清潔可以嗎? 螖仔只會清潔苔蘚, 水質都係要過瀘同換水黎keep


2011-03-30 10:56:58 補充：
重有..蝦仔唔熱得, 冇水冷都買把風線仔吹住缸面, 但咁樣水會蒸發得好快, 要日日加返d水

2011-03-30 10:58:45 補充：
同埋換水一定要用格夜水! 咁就可以除綠氣.
希望幫到你

窮人 x2

1) 要睇生物數量, 試過有一個十幾吋既缸壞左濾水器, 得返半缸水,

一隻蝦一條魚, 無換水無餵野, 得個氣泵, 結果半個月再睇都仲係度

(夏天, 虎紋蝦)

不過講明, 多過兩三隻, 又有餵野食既, 有機會大量死亡

2) 可以, 有凹凸不平既表面俾菌附係上面養住就好

3) 可以乜都5落, 自己養水, 先放一個星期, 聞到無味先落生物, 過一排自然有菌; 其他水ok

4) 同3, 凹凸不平既石頭有相同功能

5) 可以