我公司有啲同事成日講:
"呢間公司啲制度真係有問題" "我最討厭呢間公司,人工又低老闆又衰,呢間公司正一不知所謂" "我一定會搵大公司做,點都唔會再係呢啲細公司度做,點做都係得個吉" "個客真係麻煩......件貨話要又唔要.......(下删幾十字都係粗口),可笑既係公司阿姐(係老闆既細妹)會幫口話係個客唔岩!!......個客想要件衫啫,想要個碼度下岩唔岩啫,個客話唔岩就黑起口面,個客走咗之後阿姐同個同事就不停係咁話個客不知所謂,出面有齊個碼都唔去度清楚就叫人攞....等等好多難聽既說話比我地其他同事聽到(仲要係個場度大大聲咁講,有時啲客都會停下來睇下聽下講乜)
我有時見佢地咁都會覺得乜咁都可以做到生意咩....但又真係唔信邪都真係有生意不過就唔係好好咁.....之不過成日聽到呢啲負面既說話就真係唔知點好.....我個人都會幾易受人影響,尤其同事每日灌輸呢啲想法比我,就更加令我有想走既念頭,有時無聊吹下水都會扯到呢啲話題,阿姐更加不再話下.......
唉.....我都係打份工啫,仲乜要咁呢.....我之前已經都係因為呢啲咁既問題轉過幾次工,(我之前個份第一日返工個同事已經講呢間公司乜乜唔好,老闆唔好,我挨咗4個月就走咗,真係頂唔順個同事咁講先走)而家因為時間ok同人工都算ok先想繼續係度做,我唔想再搵工啦....
而家有請高人指教,點樣先至唔被影響到,同埋與同事吹水時有呢啲話題出現個時,我應該點樣做先好....我唔想一直係度避開話題,因為出來打工都係要磨練下先有成功...同埋有時請咗新同事無幾耐新同事一係會走,一係工作態度上就好似佢地咁,有另外一個同事話摺衫同排衫係最無謂既工作,阿姐又buy佢講既野,所以都......唉.......我係呢間公司都做咗幾年,而家已經年過30,都唔想再係呢個時候走,所以懇請高人指教如何將正能量灌輸比佢地.....十萬個唔該...!!!
有請高人指教人事關係.....!!!多謝...!!
2011-03-22 9:01 am
回答 (3)
2011-03-23 12:36 am
✔ 最佳答案
所謂誰人背後無人說,那個人前不說人,大部份人都係喜歡講人閒話,如果一起批評同自己有利害關係不同圈子的人就一定特別投機,特別意見多多添啦!一班老板一起就喜歡講d伙計點遲到早退工作懶散,一班打工仔一起就喜歡講老板點刻薄工資低,所以你好少聽到成班人飲茶會讚美別人的,如果講別人d衰野就一定興高采烈,口沬橫飛的了!
所謂一樣米養百樣人,有d人跟本狗口長不出象牙,總是喜歡將批評別人作為樂趣,任何事都喜歡誇大來彈一番,所以你只要時刻提醒自己不要受到影響已經ok,如果希望灌輸正能量改變佢地咁偉大都好難咯!
大家同事一齊做野都好難完全唔出聲,總之啱聽就搭句口,唔啱聽就笑笑萛啦,又何必要辭工避開佢地呢,而且處處都一樣會有呢種性格的人呀!
打工最緊要工作搞得掂,工資合理就萛啦,只要同事之間可以和平相處就無謂轉工了,其實都好難要求同事d質素合自己理想吖,你話係唔係?
所謂寧得罪君子,勿得罪小人,就萛佢地講到好過份都千萬唔好理佢地呀,就當聽唔到或者笑笑就萛,總之工作上應該講就講,應該做就做就無是非了!
2011-03-25 7:47 pm
I AGREE WITH WHAT SAID BY MAN.
2011-03-22 10:38 am
江山易改,本性難移
每個人都有自己性格,見上文你性格同佢地性格只係有小小缺點
無大問題..咁點解唔爽快d做番自己?
每個人都有自己唔同既生活方式,無需要改變別人或自己
(題外話:我希望你可以記住生存應該係求開心,
每件事都盡量樂觀去睇,只要每日笑容掛係塊面到
你笑,人地都一定笑,慢慢諗啦^^
每個人都有自己性格,見上文你性格同佢地性格只係有小小缺點
無大問題..咁點解唔爽快d做番自己?
每個人都有自己唔同既生活方式,無需要改變別人或自己
(題外話:我希望你可以記住生存應該係求開心,
每件事都盡量樂觀去睇,只要每日笑容掛係塊面到
你笑,人地都一定笑,慢慢諗啦^^
收錄日期: 2021-04-13 17:52:35
原文連結 [永久失效]:
https://hk.answers.yahoo.com/question/index?qid=20110322000051KK00056