✔ 最佳答案
回答你之前,本人有一點要好肯定同你講,就係香港無一條法例講到明15歲唔可以報警。
無論你幾多歲,只要你係受害人,你就有權利去報警 同 追討你應有既100 % 實質損失。
入番正題:
你有銀行入數紙,賣家電話,賣家名字和sms記碌,證據上就一定足夠你去報警。
記住保留有關證據,直至件事完結為止。
如果警方受理,而且捉到人既,佢會有機會被控告『以欺騙手段取得財產』罪名。
任何人以欺騙手段(不論該欺騙手段是否唯一或 主要誘因)而不誠實地取得屬於另一人的財產,
意圖永久地剝奪該另一人的財產,即屬犯罪,循公訴程序定罪後,可處監禁10年。
本人絕對同意你即時報警。
不過,你呢類案件比較特別,係同一d虛疑武器有關,本人保證唔到你單case,警方一定100 %受理。
事過7日,佢都無交唔到貨,就有足夠證據證明到佢存心金額欺騙。
本人建議你先嘗試到就近既警署報警(扲埋所有證據),如果受理就最好。
不過,如果唔受理既,你需要要去到灣仔分區警署 (地址: 香港灣仔軍器廠街1號)
搵商業及電腦罪案科 (熱線 : 2860 5012) 去處理。
本人建議你親身去報警,而3月26日去警察局落案,係時間上係恰到好處,如果太早,反而人地可以搵藉口話無咁快比到。
當然,無人可以答到你幾時可以捉到人,同時唔知你幾時可以取回金額。
如果佢存心呃你,佢有機會係用人地銀行賬號比你入數,咁就增加左捉人難度。
同時,你唔好期望係短時間之內可以扲番錢。
因為捉到人,都可能要過一段時間。
就算捉到人,如果人地唔認罪既,等法庭去定佢罪,起碼要等幾個月時間。
當然,法官定左佢有罪,理論上,你既證據係完整既(銀行入數紙一定要keep得好好,唔好比d字脫色),你都可以得到所有賠償。
不過,都仲要睇佢有無錢比。
如果佢無晒錢,而佢屋企人都唔肯比既,你到時真係血本無歸。(好少會發生)
到時就真係睇你運氣啦 !