唉,對人生已經充滿絕望,好辛苦

吾好咁灰啦;]
每個人既際遇都吾同既
你知啦, 都中4
好多同學都玩埋1堆
然後又分開好多社交圈子
吾系個個玩得埋

但系想識朋友都冇問題架
你可以系facebook同d同學聯誼下
或者多d打波/踢波, 識下球友
或者打機, 上網, 識下網友
如果比人蝦
就吾洗忍, 可以打佢la, 先撩者賤嘛;]

如果d女仔話你樣衰又毒
其實都系偏見黎
點樣可以改進到呢,
有好多方面既
其實人地點睇你,
都系你既氣質可以改變到
如果冇咩朋友, 你就可以我行我素咁
吾洗理其他人眼光
外表既話跟下潮流就吾會毒啦
樣呢單野好主觀, 其實汁下個髮型, 注意下衛生就ok

性格方面可以大膽d, 主動d
最緊要有自信
有自信, 知道自己有咩優點
先可以用優點去吸引女仔

學業就真系靠自己努力
冇第個方法
你可能覺得學緊既野對以後冇用
但其實你要拎張文憑,
對以後就好有用
所以幾悶都要頂落去

屋企人吾明白你
但就算幾吾明白你,
都會系愛你既,
可能家人一直對你責備
但傳統家庭既愛,
往往就表現系責備之中
所以要珍惜牙..

身體髮膚受諸父母
點可以話離開就離開?
你唸下,
你死左之後,
你就感受吾到世界既1切
以後就咩都吾知, 冇曬知覺
你甘心咩??
人生本來就苦短
你仲要咁吾珍惜生命?
日本地震幾多人想生存都生存吾到..
果50個救機組既人都系為左其他人,
先犧牲自己,
咁樣就體驗到生命既意義
但系你就咁離開..
真系冇意義.
你知道1個人死, 系帶走吾到d咩
咁不如你為呢個世界留低d野仲好;]
認真讀書, 貢獻社會啦;]
之後就募捐比災區人民,
改變貧困兒童1生既命運
咁就有意義得多

信我啦, 船到橋頭自然直;]
所謂..
天生我材必有用, 千金散盡還復來呀...

加油!!

我唸你一定係個成熟既人
因為你已經發現到自己既問題
比起好多人你已經係好識唸 起碼你有嘗試試搵方法解決目前狀況

我當初性格都係比較內向 係學校好少同人傾計
後來我明白問題所在
我與同學關係疏遠既原因
好多時都係在於自己太被動
又或者成日黑起塊面 一d笑容都冇

唔知你又係唔係有相同情況呢?
係既話 不妨試下改變自己既性格
平時朝早番到學校主動同人打招呼
嘗試同人有多d話題
話題其實好易有 我比個例子你

例如一朝你同人打完招呼
你跟住咪講下琴晚訓成點
eg. 琴晚一直發夢 今日超累呀~
之後人地可能會問你發咩夢呀?
之後你就老作幾個奇怪既夢又或者講之前發過既夢
咁樣你與其他同學既關係就可以慢慢建立

如果你仲係怕 又夠膽咁快就試呢種方式
可以多d係msn呀 facebook呀同人傾計
咁樣對建立關係有好大幫助

最後你擔心既成績問題
唔洗擔心wo 因為只要勤力d 你就一定追得上
情況就好似衣家問你中一既問題 你實話淺架
道理係一樣 當你放多小小時間比讀書上
要追無難度~

所以 加油啦!~

　一個人在成長和成熟的過程中，難免會受到不同程度的傷害。因為人生不可能一帆風順，當你的真誠換不回來等同的回報，請不要怨天尤人。請堅信，每一次傷害都是對你人生的洗禮，每一次傷害都是一種嶄新生活的開始。舔舐傷口，把痛楚化作前進的動力，相信終有一天你會化繭成蝶。

唔好自卑啦.. 積極面對人生.

唔洗唔開心,我仲衰過你,今年都21啦.

由中三開始一個朋友都冇,每天都自己一個.做透明人.
受同學冷眼.比同學玩過...

好害怕人,唔識講野好似啞咁.
覺得自己外表差,古怪.好多簡單的野我都做唔到...
就係因為有社交焦慮/恐懼症搞成我咁T^T

會考後仲做了隱青2年.哂時間哂青春.
(基本上係因為人際而令我沉迷網上世界再搞到成績差)
都試過幾次嘗試想講多D去識人,但都失敗...
而家讀ive啦.係班上就是個獨行俠,咩都自己一個.

不過近排開始有位女同學肯同我講下野,問我一唔一齊食lunch咁.
因為佢以前都好似我地咁,可能佢想幫我啦.


現在我都係唔喜歡返學,成日走堂,因為唔想對住同學
放假日日留係屋企,其實都想有人陪出街,買下衫.不過冇=.=
(開學時仲唔開心到想休學)不過而家打消呢個念頭啦,因為我冇時間再哂.


其實唔洗咁絕望,可能你會遇到一個令你改變的人.
慢慢改變啦,唔好迫自己.

其實你最唔滿意就只係樣衰同毒，其他成績差父母壓力都係其次。好認真講，呢個世界天生麗質乜都唔搞都靚的人唔多，好多人都係後天打扮先會順眼咋。你而家仲咁細大把時間你變，我有時在fb望返舊時讀書班同學而家個樣，大部份人都變得好唔一樣啦，以前係薯頭今日都可以變左型仔。既然你好應該去改變自己，包括外表和待人接物，否則將來你還是會不斷在自責自卑中打轉。

你成日講自己好毒好樣衰，咁你可曾努力改變過？做過d乜?淨係怨天怨地又唔行動咁無人會幫到你，你要知道就算個天跌個女仔係你面前同你講野，但你無改善過你自卑自憐的缺點一樣無用，無女仔會鍾意自卑的男仔架，毫無自信比唔到安全感人邊會有吸引力。當然唔好大想頭諗住由毒男變成靚仔，樣係天生，但做到順眼就可以，先從髮型及衣著上入手啦，其實男仔執下髮型，剪返個有型少少的頭，仲有衣著上唔好著毒男裝在外觀上已經好好多啦，唔識就直接去髮型屋叫師傅幫你搞，轉個新形象重新開始吧。

聽你咁講你真係一無事處。
無樣、無朋友、無才華、無腦、無信心亦無希望、最慘既係你無左自己。
你係咪覺得依個世界上無咩值得自己留戀？無論去到邊都覺得自己根本唔應該係E個世界上。想唔想知點解你會一無事處？
我認真咁答你：因為你無左希望。
每一日都過住自己覺得可憐既日子，面對人面對自己，都覺得無好事發生過。一次又一次既打擊，令你相信自己係無能，人地亦唔會去比機會你，去欣賞你。日子耐左，你既生活圈子就只有絕望，絕望令你搵唔到自己，搵唔到將來，結果令你搵唔到自己任何優點去支持你。
我知道可能你心裏面大聲講：「你唔係我，你唔會明白我個樣係點？我同學朋友點對我，你地當然可以大大聲聲咁講我。你知唔知道個一種無奈，個一種心酸同寂寞既感受？」
我亦老實咁答你：係。我地唔知道！因為E個世上只有你最明白自己。但無奈痛苦寂寞等等既心情我亦有過。如果你想走出來，我可以介紹一個人比你識！我亦相信佢先可以幫到你。
走去鏡前面！好好咁望真D。佢就係同你一樣命運既人，你睇真D佢點。你識唔識佢？你覺得佢可唔可憐？好唔好笑？佢就係以前既你同現在既你！或者以後既你。你想唔想幫下佢？你想唔想佢一世都係咁？依個世上只有你先可以幫到佢，只有你先可以令佢笑。人只能依靠既係自己！
或者有不幸既事發生係你身上令你好痛苦，但又有幾多比你更痛苦既人？佢地又能靠邊個？都係自己。如果令你自己都放棄自己，依個世上根本唔會有人去珍惜你。你仲有手有腳，有父母有改變既機會，有D人連改變既機會都無！你可憐，但有更多可憐既人比你仲可憐！
我知道你好痛苦！我亦想幫你。但我幫唔到你咩，因為你自己都放棄左自己。我亦有過一個樣比較怪既朋友，但我從來無睇唔起佢，佢唔人笑我仲嬲過佢。因為我欣賞佢夠傻夠義氣，雖然後來一班朋友出現誤會分開，但我亦相信佢為人當佢係朋友。因為佢有我值得欣賞既事。我並唔會忘記佢！
你都唔好咁傻。我亦相信你有比我較好既優點！只係你絕望之下忘記左，即使無日後你都可以變到有，因為你有機會去改變。只要你信，你肯去改，我相信無人咁睇唔起你。如果想唔明或者想來罵我，我歡迎你！寄E MAIL來~~

2011-03-21 00:23:57 補充：
死只係懦夫既行為，我亦知道你只係隨便想想。因為一個決心死既人唔會向人求救！而你最希望既結果都係想搵到出路姐！我話比你聽出路就係你手上。要點就要睇你自己。

千祈唔好咁諗!
呢個世界咁多人都為左生存而互相廝殺,你而家其實係好幸福嫁la
其實樣毒又點?你唔諗下把自己o既弱點轉化為最特出的一點呢?
父母方面,你可以同佢地坦白咁講你o既校園生活,父母係冇可能無視你的,你向佢地尋求協助,話俾佢知你真正o既感受,最緊要勇敢,你要記住,父母永遠係幫你o既
上堂又盡可能搞gag,即使failed左你都要keep住試,只要有人笑就即係成功左
得閒就上下佢地d人平時上慣o既討論區,睇多d笑話,儲下儲下會愈來愈多la
依家可以唔諗女朋友住,佢地自然會見到你優點,自己明示/暗示你,你仲有大把世界,咪驚冇gf 喎
毒唔係唔好呀,但係要毒得有意思,用你毒o既知識發揮係特定方面,如:IT
參加音樂班(e.g 結他,drum)可以識新friend,又有個新技能,搵幾會表現自己,他人就會大吃一驚la
出街根本冇人識你,你唔洗驚佢地睇你唔起bor,行路時候表現自信十足,冇人會睇唔起你
至於你被人ha,有2個方法
1. 話俾信任o既人知
2. 作出反抗
講真,要主動同人講野,既然可以係呢度大聲講,點解唔可以同人講?即使係講早晨都好,肯踏出第一步就成功左一半,留下良好o既印象
世界上仲有好多人等緊你去幫佢,你而家走左就加速佢地死亡
核危機d死士為左國民都死左5件,即使真係死,都為個社會出最後一分力先la
希望你會接受我o既勸說

放棄 係一樣好容易既事
留下先係最困難的

人生就好似1隻game咁
你lv低果時, 唔係樣樣能力值都升得
有d人中意升hp有d人中意升mp, 升爆擊, 升攻防等等
你而家17LV,
可能你平時組隊小, 朋友list冇人
d人見你hp低, 就打你拎經驗

我想問, 你將呢17年既經驗升左係邊1部份呢 ?
可能你對動漫資料性好熟悉, 打字好叻
每個人有唔同專長, 你中意既咪向呢行發展
唔一定毒就識唔到女仔, 女仔都可以毒, 可以打機果d架
17歲, 唔洗怕喎, 香港女多男少, 國內又大把令女
俾d心機好好發展自己專長, 總會成功既 ;]]

你有睇過犀利哥架啦, 咁既樣貌外表, 一樣有個好令好好既女朋友
點解 ?
外表青春只係10多年既時, 內在美先係永恆的
好好培養自己既性格, 外表方面, 乾淨企理就得架啦;]

香港好多人都好毒0.0 要搵到朋友好易, 最重要係自己主動d
男仔主動就得架啦, 試下去打下波, 陽光d, 開心d, 比好多淨係令仔既都吸引

父母可能好忙, 或者淨係想你成績好好, 讀大學, 係咁谷你
唔洗介意, 最緊要係自己盡左力就問心無愧

呢隻game無lv上限, 只要堅持, 每一年你就可以升1lv
你唔覺得只係得17lv, 連王連副本都未入過就話放棄好可惜咩?
面前呢d都係小怪黎, 你就放棄?
如果你咁輕易放棄, 我真係會睇你唔起
但我信, 你打得出自己既煩惱出黎, 你一定唔會輕易放棄的 ;]

朋友如果你真係冇既,
我可以做你網友, 有時間同你msn傾下計既 ;]]
如果有興趣, email/pm我囉 ;]]

人生呢隻game. 得1條命無得復活, 唔好令自己後悔牙