我有兩個朋友,A同B
咁A呢,,就係我好耐之前就識,
識左都有五六年喇.
咁我地都唔算係知心朋友
只係成日一齊行番屋企
話題都係講d搞笑野,無關重要的
例如咩咩明星呀..老師壞話之類..
算係幾好朋友..知心朋友之後個位置
咁B呢, 我同佢識左兩年喇.
同佢一齊都係講d無聊搞笑野.
都係玩下咁
好少會講到自己的事.
但一直相處得唔錯.
佢響我心目中係排第三的朋友
而我之前係分別同A同B熟..
佢地之間只係同學關係..一直唔係太熟..
但後來,事情有d唔同左
近呢排,佢地熟左好多.
佢地會一齊分享心事之類..
甚至熟過我地佢地
佢地會講d只有佢地自己明的話題
有時同佢地一齊,感覺好似局外人
佢地有時會自己約出街..
哥種感覺好奇怪.有d難受
雖然我都明..識左最耐的朋友未必係最好的..
因為人夾人緣呀嘛..我明
但有時知道佢地又自己約出街.
心裡都總是不太舒服
好奇怪..感覺同佢地的距離愈黎愈遠
而佢地會互相介紹其他朋友比對方識.
佢地都有一d出面的共同朋友, 但我同其他朋友都唔識ge fd
到現在,每當有project的時候
佢地都好似自己商量好哂點做.
之後先同我跟其他組員講話我地要做咩
而有時, 佢地會拎埋份project自己兩個做..
或係同其他朋友一齊做(即係佢地出面識哥d)
感覺..好唔自在.
話哂我地都係同一組架嘛..
點可以咁..
所以咁我就唔係幾開心
有時會好驚佢地熟左.
感覺..佢地有佢地自己的世界
會同我愈黎愈遠(雖然宜家都有少少喇)
而B佢之前真係對我好好架..
每逢咩節日,都會送野比我..
有時會係整下朱古力,,曲奇餅之類.
好似我係非常特別的朋友
呢樣野一直令我覺得好開心好自豪好窩心
雖然我表面上好似無咩咁
但佢對我係極其重要的.
但宜家好似無左喇..
感覺佢唔會再為我做呢d野.
由有到無的過程真係幾痛苦.
但有時我同B真係唔知講咩好
覺得宜家都漸漸疏遠左喇.
而佢宜家都有A na..都夠架na
而佢地一齊的時候,彷彿世界只有佢地.
B的眼光都係落響A身上..
而放學時,係都B拉住A走..頭都唔回一下..
同埋小息時..呀B可以本身同佢個知心朋友行行下..
撇低左佢一個,行埋去A度.
其實我心裡幾希望佢係因為激我或我另一個朋友..
先特登成日痴住A
但睇黎我錯喇..佢地真係好fd
我心裡面好矛盾,好亂
我應該點做好.
繼續維持這樣的疏遠和距離..變回普通朋友,而漸漸習慣佢地係一齊.
心裡逐漸無對佢地咁重視?
定係表面上無野,繼續當佢地係好朋友.
(但我諗咁好難,首先我承認我有時係幾小氣,我有有時會吃醋,我驚繼續咁我會唔開心)
好想疏遠佢地,但又唔想一次過無左兩個重要的朋友.
呢重漸行漸遠的感覺,令我好痛心
我唔知,我可以點做...
我有諗過識過其他人,但..好似無咩選擇
更新1:
我都明白朋友之間應該睇開d, 但我就係放唔開. 可能我真係太過重視B喇.
