334理工大學護理系

護理學基本要求要中英數通識3322, 再加最少一科選修科最少第2級. 當中生物/含生物的組合科學合格, 以及數學科任何一個延伸單元合格優先考慮. 護理學到時確實收生成績就唔知, 不過只係剛符合基本要求的話, 要大學肯收你就無乜可能. 而加高考平均收八點幾分. 我假設讀2科AL+1科AS, 兩科語文E的話, 兩科AL要1C1D, AS要C先等於8分. 所以只能夠估計你成績要中等先較有機會入, 理科考得好會著數D.

JUPAS裡面只可以選擇全日制UGC資助課程, 所以你中六選科時只會有第3個及第一個全日制課程可以選擇. 第四個或者仲有得選擇. 理大護理學並唔係入左去先決定揀邊個, 你中六選大學科目時就要揀定, 到時JUPAS會睇你成績同志願去派學位, 或者一個學位都唔派.

兼讀制課程係比有一定學歷既人報讀(例如高級文憑/副學士畢業生/登記護士),可以用幾年時間邊讀邊工作. 自負盈虧學費比有UGC資助貴. 高級文憑學歷就比學士低, 入學要求亦係較低, 學費亦會較便宜, 修讀年期比學士短一年.

本科生課程係比有中七(新學制就中六)、高級文憑或副學士畢業生或同等學歷既人報讀. 研究生學位係比讀完學士學位學生繼續深造.