成日都比人話我份人好悶....有咩解決辦法?

你開始識得笑已經唔萛好悶啦,如果你成日對人黑口黑面,咁真係無人想同你做朋友呀,你自己都希望同d開心果一齊玩啦,又點會想成日對住個苦瓜乾吖!
希望自己朋友多d,希望自己受人歡迎d,就要給人一個親切樂觀,友善隨和的形象,平時要時刻面帶笑容,大家遇到就主動d同人打招呼,最少都點頭笑笑,禮貌上人地點都有回應,這樣起碼你都一定贏得別人的好感!

間中你都可以主動d打電話問候人傾幾句,問人食飯未呀?做緊乜野呀?放假去邊呀?咁就有好多野講啦!
點解你要等人搵你問你呢?
點解你唔可以主動d搵人傾呢?
只要你化被動為主動,一早想好講d乜,同問d乜野先,等人地答你,咁人地又點會再話你悶呢?

話題都唔需要好特別的,都係講大家身邊發生的事物,例如上週日本大地震,或者近日d鹽無端端搶到斷市等等,只要大家感興趣的話題就ok,其實都係有話則長,無話則短,唔想再講隨時可以轉話題的!
如果對方的話題自己唔熟悉,就靜心聆聽,間中問一兩句唔明白的地方,人地就唔覺得你悶了!

想自己話題多d,就要多d留意各方面的知識,不論時事新聞也好,電視電影明星的趣事也好,什麼地方好玩,什麼地方d野抵食抵買都好,你去過或者聽過都可以做話題的,你唔需要真正好叻,只要大家傾起乜你都識少少,人地就覺得你好醒啦,以後又點敢再話你悶呀!

你和我有點相似，如果大家擁有共同話題，情況就不同。
所以朋友要有近符的興趣，人生觀，理念，共鳴感，情境，背景等等先容易溝通同明白，不要強迫自己改變。
只需努力學習各方事物，將自己變得廣闊，就自然容易投入不同話題。

希望幫到你 ^.^