樓下投訴浴室天花板滲水..急救解決...快

主要原因有以下情況,每個情況都有其可能性,只能以機會大與小去決定維修方案.

1.食水喉管破損,特點是會24小時不停滲漏,如果能找出滲漏地方(通常只有一個位置),可以不更換全屋水喉,問題係,要找出問題所在是有難度,師傅一般會作全屋更換,呢個係商業考慮.
*係一個可貴可平既工程,睇師傅點報.

2.去水喉管破損,包括浴缸/企缸,洗手盆,坐廁,以及所有接連喉管,同第一點不同,是不會24小時不停滲漏,只有用既時候先會,除左收藏於牆壁內既喉管外,其餘都可以用目視檢查方法去檢查,可靠性好睇師傅經驗.
*屬小型工程D類,要入則.

3.外牆滲漏,水由外牆裂縫,或冷氣機主排水管進入下層單位,咁其實係唔關你事,呢個情況出現既機率一般.
*屬小型工程,但唔好隨便自己搵人攪,搵管理處.

4.由你再上一層滲漏導致你下一層滲漏,即係水只係經過你間屋既石屎裂縫,至下一層既出口,所以你冇滲漏,反而水就流向下一層,咁又係唔關你事,不過呢個情況出現既機率極低,而且舉証方面亦有難度.
*要搵實驗室做測試去證明,收費一萬幾千,住宅好小有人咁做.

我比個貼士你,通常呢類工程都係冇咩準則,個個師傅都係靠估,例如你做果個壓力測試,已經算係科學小小,但只知道全屋水喉滲漏係意義唔大,而我亦唔知佢係點去做測試,測試方法係會影響結果,例如屋入面其中一個龍頭滲漏,如果測試時冇折走龍頭就加壓測試,結果一定係漏,但問題係,仍然未肯定到係水管有冇事,簡單咁講,換個水龍頭,同換全屋水喉,你應該明白有咩分別,另外係,全屋水喉會有分段,其實係可以分段加壓測試,咁做係可以縮減維修範圍,因為,所謂全屋水喉有事,其實都係得一個位漏,我好小見會有兩個以上既地方同時出事.

PS:換哂當然係好,我都知阿媽係女人.

漏水有兩个可能 第一水喉漏水 你要去自已水錶關上水掣後睇睇水錶關上水掣後是否自轉 如果關上水掣後自轉 就肯定水喉漏水 第二就係石屎瓦仔漏水就要石屎打針灌膠水 把膠水灌入裂痕收補達到止水效果防滲漏 之後做翻防水層就可以 但我幫人做過 兩個可能性都有 最好揾個有經驗師父睇睇 如果有需要請至電98323692蘇

你可以電郵比我,[email protected]藝萌工程, tel: 96288681 王生 ..