男友有第二個 (求認真回答)

照咁睇你都唔係第一次拍拖。你思想比較理智，最少你無第一時間反面。
不過如果我估計無錯，你其實並不依重男人，亦唔想被男人去控制既人。同男朋友一齊時你亦算強勢，容易為小事起哄。
戀愛破裂就好似洩漏核輻射咁，好危險！但又好想救。即使救返個心始終覺得唔安全！處理得唔好會令愛情變味。
討厭既係背叛既感覺，擔心既係安全感。安全感係女人第一要求！無安全感既愛情，女人會怕會唔敢去愛，即使對方做到幾好都好，始終防對方一線。
我想有好多朋友應該叫你分手！但你想分一早分左。你始終存有一線希望。未來無人會知，想去做就去做！當真係分手時，最少你已經努力過。
我並唔清楚你地交往係點。不過空穴來風，事必有因。一隻手永遠拍唔響，只係睇邊個問題大責任多。
愛情無純感情亦無純理智，對錯亦難分！過去雖然珍貴，但未來更為重要。想兩者都保存，考驗的就是現在。點做無人敢教你！我亦相信你明白，只不過被一時感情所影響。
我建議想去做就做，結果無興幸亦無可惜！無必要為一段愛情而懷疑往後的愛情！想得太多煩惱就更多！過去改變唔到，未來難以預測，只有現在係你可以去控制。隨心去做~~~

一次不忠,百次不容!!!!!!

如果你想比多次機會係OK既, 不過你對佢已失去信任性了.
信任係由時間建立的, 你可唔可以再重新去信任依個人呢? 你要諗囉.
佢有得一次, 咁又唔代表佢會有第二次既, 咁就要睇吓你對佢有幾重要喇.
如果佢覺得你係好重要的話, 佢唔會再敢有第二次囉.
我剛剛就係經歷咗依樣野. 我最後係比多次機會, 因為我都真係愛佢的....
同返佢一齊已3個月了, 但原來真係很難再信任佢, 無論他做什麼, 說什麼, 我心入面都有懷疑, 真的很痛苦, 試問再咁落去, 大家只會唔開心多過開心囉.

不過我既經歷並不是一定和你一樣, 或者因為這次, 你和他的感情更鞏固呢.
又或者因為今次, 你地會更珍惜對方呢.....有些事真的話唔埋.

但你要記住, 如你選擇再一齊, 你要更努力去維繫大家既感情囉.

出賣同欺騙梗係心如刀割啦！如果你可以過到自己而又仲鍾意佢慨，可以俾机會佢，不過唔係叫佢搞掂左件事就原諒佢，要發佢圍（脾氣）講到好似要分手咁，如果佢驚失去你嘅，佢實知道點做，你到時至慢慢原諒佢，等佢有個深刻.警覺，但如果佢拖拖拉拉你就一定要斬欖，唔斬既話只會帶俾你更長嘅傷痛。失去一段感情點解會傷心，因為…曾經開心過，如果到最後要分開嘅，希望呢句話可以幫你减輕傷痛（妳失去嘅只不過係一個唔愛你既人，而佢失去嘅係一個愛佢既人）