環繞聲應用及擺位

✔ 最佳答案

我既意見就係唔好盲目追求7.1聲道,雖然現在的高清聲音格式例如Dolby True HD同埋DTS Master Audio都可以提供真正7.1聲道,有這格式的影碟亦應該越來越多.
但梳化貼後牆其實真係5.1會好過7.1的.
7.1的兩個後中置係一定要放在後方比較遠距離先有好效果的.但在我見過的擺設當中99%都係放正在梳化後面,貼住自己後尾衴.咁樣的話後中置要較到好細聲而且聲一出就到,冇得擴散,有部份AV amp甚至冇得俾你set咁近距離.
更甚的是為了遷就THX建議,將原本應該放側面的左右環繞聲道放得比聆聽位置更前.冇錯喇叭位置係正確,不過個人坐既位置就後咗.兩個環繞聲道出的聲永遠在前面,我可以肯定講無論係5.1定7.1既效果都一定差.
有啲人會將兩個後中置放喺頭頂較高位置避開距離太近的問題,但係原本喺後面既聲音去咗頭頂.好唔好就見人見智,不過肯定就唔係聲軌既原意.與其夾硬就,不如放下心理包袱,用翻5.1吧.
冇錯5.1或者7.1既中,後置都應該放置高人耳兩,三呎左右,咁樣環繞效果會比較好,尤其一啲高空場面例如飛機飛過頭頂等.
另外關於後置喇叭的種類,單向好似前置喇叭嗰種方向感會比較清晰,雙向好似三角形嗰種包圍感就比較重,用那一種視乎你口味.

回答 (1)