電腦重新開機之後先正常（40）

你嗰部係唔係瘦身 (slim) 機? 或者 on board display (唔使買顯示卡)? 部機用嚟打機?

喺意見欄補充嚟睇下啦。

2011-03-12 22:51:13 補充：
通常 slim 機規格設定好雞, 機種主打薄身 for 基本文書用途, 規格所限額外配置都只可以用細板 (LP - low profile) 卡, 功能好弱但全套可以切得好平 (用 all-on-one 底板)。

顯卡雞打機就好唔掂, 可以畫面定哂得返啲聲, 你喺打緊機時或打完後電腦出事, 咁就係你顯卡頂唔順, 如果普通上下網, 睇下相都 hang, 咁多數係底板積晒塵導致過熱, 甚至底板零件或 CPU (and/or 風扇) 壞壞地。

PS: 風扇細聲 = 運作良好, 風扇大聲 = 谷盡散熱, 風扇冇聲 = 壞咗或冇電到。

2011-03-13 12:12:20 補充：
004 嘅回答好莫明其妙, 邊個話定格關過熱事? 我話 "顯卡雞打機就好唔掂, 可以畫面定哂得返啲聲," 你就有咁嘅理解? 一般使用唔會出現定格, 打 online games multi-players 時效能最差嗰部, 圖像運算跟唔上就會定格, 因為要同步處理畫面, 直至數據放緩至可以正常返, 一般音效唔受影響, 但 RAM 同 virtual memory 同時 overloading 都會侄。 我總共有 4 部電腦同 notebooks, 幾時會到 peak zone 都知。

2011-03-13 12:13:12 補充：
你指出積塵同定格無關, 更加係閱讀理解嘅問題, 將我講嘅幾個情況混為一談。

同一風扇不同轉速同風切聲大小當然成正比, 有讀物理都識, 唔好抄一啲市場數據同扇葉設計, 靜音摩打等等概念炒埋一碟當答案, 超貴嘅靜音風扇同樓主張 LP 顯示雞卡有乜關聯?

更新 driver 都要睇下 update 咗啲乜, 未必同低檔卡有關, 因為九成 drivers 係 match GPU 系列或型號, 高中低檔卡可以用同一 GPU, 由底板決定你用到粒 GPU 幾多成功力, 大部份 updates 都同低檔卡無關, 除咗雜嘜牌。

2011-03-13 12:18:49 補充：
To Ben2947, 你個情況好怪, 係唔係裝過某啲 games 定用過某啲 software 先係咁?

2011-03-14 15:26:03 補充：
如果確定唔係因安裝或用過某軟件而搞亂 config, 亦唔見邊件硬件明顯失靈, 最大可能係底板或顯卡嘅穩定性差, 正常硬件維護係會喺過高運作溫度關機, 但如果你用緊咩積普或不知名嘅品牌, 可以差到你唔信, 當年一塊咩積普底板可以燒咗我兩張原裝 ATI Radeon 顯卡, 直頭火上心頭。

品質差主要會係廠商用好多劣質 IC 同電容, 電容等級亦可得知顯卡檔次, 一般電容係用 85 度系列, 中高檔卡至會轉用 105 度系列 (愈多即係用粒 GPU 愈盡)。

你揾到 spare 嘅底板顯卡就換嚟測試下, 如果唔係你形容嗰種硬件高溫穩定性問題, 你呢個 case 我都諗唔到其他原因。

2011-03-16 15:08:48 補充：
你拆過 CPU fan 要注意散熱膏仲平唔平均, 如果有需要就補返啲, 散熱膏唔平均效效能會下降。

將底板的RAM拆出來，然後再插番去。然後再開機test一下會不會再hang。
想知更多電腦知識，坊間有多書籍或課程都有教，可以試下睇下，會幫到你，
有部份課程仲有免費試讀，如系統電腦，可以上網search下

在此更正答案。一、 電腦過熱，基本上大部份底板會命令散熱風扇把CPU/GPU冷卻，如無效用將會命令電腦硬件立即停止運作及關閉電腦，所以呢個原因係唔會令到電腦定格。二、 積塵只會令到電腦客易老化及令到散熱風扇散熱有影響，所以同定格都無關。三、 風扇轉速既大小聲音都無關，風扇無聲唔代表散熱風扇壞左，大聲都唔代表以全速散熱，平時開啟一d大型既工作及遊戲等等程式都可令到散熱風扇轉速較高一點，因底板探測到CPU/GPU高於正常溫度就會命令散熱風扇把CPU/GPU降低至正常溫度；而無聲可能係散熱風扇轉速非常低，在於正常操作電腦下，平均CPU/GPU散熱風扇轉速為1000至4000RPM，溫度位於35度至55度不等才屬於正常。不如你提供一下硬件配置係咩先，同埋記得把顯示卡更新至最新驅動程式。

部機都幾瘦
有時會打下機
不過顯卡好廢(低階顯卡)

2011-03-13 10:32:37 補充：
我部電腦CPU平時都有平均45度
顯卡系NVIDIA GeForce G210，Win7個體驗指數資料（1.0 - 7.9）

處理器 ：6.4（Core2 Duo E7500 ）
記憶體 ：6.4（DDR3 3GB）
圖形 ：4.8
遊戲圖形：5.6
主要硬碟：5.9

顯卡個驅動程式系260.59，無用最新既266.58，因為用左之後顯卡效能反而似乎地左

平時玩普通既Online畫質都唔差，唔會lag機
不過有啲高階單機遊戲就會lag(例如Need For Speed)
打完機之後唔會Hang機...CPU工作量唔高都會慢慢降溫

2011-03-13 14:46:03 補充：
唔系因為裝左啲咩Software先會甘...因為我話之前洗過機
系啲硬件問題

2011-03-16 14:21:22 補充：
多謝小Nick既熱心回答

我開左部主機拆左個風扇之後睇到個CPU到有唔少灰塵，可能就系因為甘整到部機唔穩定...宜家部機似乎已經穩定啦

建議你不如直接找間專業電腦公司幫你 check 吓部機睇吓咩事啦!

我試過找 "創毅電腦", 個老闆幫手, 佢好好人肯上門幫你睇睇部機咩事, 價錢又公道, 最緊要係態度誠懇有禮, 軟硬件問題佢都幫倒你架. 你找 Andy 呀, 電話: 9047 9045
www.linkup.hk.cn
希望可以幫倒你!

最常見GE 就係過熱、積塵.
睇下自己機箱散熱夠唔夠, 有冇定期清理灰塵, 散熱風扇有冇壞, 最後先係確定硬體有冇壞.
開到機通常係冇壞/冇乜點壞, 所以先確定左係咪過熱先. 因為要確定邊件硬體有問題係比較難, 除非你自己有其他替代品, 唔係都幾難搵出問題.

2011-03-16 14:44:55 補充：
一開始就講左你知過熱/積塵/接觸不良, 洗乜打咁多野.
一開始就清左D 塵再插返晒D 野試機就得, 打左咁多野到最後咪又係做返呢步= =