網上行連唔到線，WAN問題？

我用開網上行6m o既
一路上網都好好，斷線都未試過
早幾日重新開機完就連唔到線，事前冇裝/剷過咩程式亦冇拔插過咩硬件，但一直都中緊頪似木馬o既間諜程式
熄過modem拔過線又重裝網上行，都係連唔到線，錯誤碼係678
之後索性洗機淨係裝xp sp2再裝網上行，仍然係連唔到，仍然係678
叫過網上行職員o黎睇，佢將我條線插落佢部laptop，連到線冇問題
我亦試過o係第部laptop裝網上行，都係連到線
結論係我部腦o既問題，可能係lan卡壞o左
但係去「裝置管理員」睇「網絡介面卡」係冇事o既
停用o左佢再重開機佢又detect到張lan卡自己裝番驅動程式
1.咁代唔代表張lan卡冇事？

2.又會唔會係lan卡/其他硬件中毒/木馬？上網見人話會硬件中毒，但一般掃毒程式只會掃硬碟，如果係其他硬件中毒/木馬，點check點清除？

3.我知可以插張lan卡落去試下，但我底板得PCI插槽，而家電腦舖仲有冇得買PCI lan卡？大約幾錢？

4.除o左咁仲有冇軟件/其他方法check張lan卡/其他硬件有冇壞？操作正唔正常？
5.我而家懷疑壞o既lan卡係on board o既realtek，但我見網上行冇寫用呢張lan卡，佢寫WAN Miniport(PPPOE)，反而區域連線寫用realtek，但區域連線究竟係咩o黎？連唔到線o既...但我見部部腦一裝完windows就已經有...咁係咪即係網上行根本唔係用我張lan卡o黎連線？即係唔關lan卡事？另外，最初發現連唔到線時個modem盞WAN燈好似閃爍過，而平時係長亮o既，但就算當時有閃，之後到而家都係長亮，會唔會關事？

6.最後想問on board o既lan卡有冇咩限制？係咪唔同底板上o既lan卡都可以互換？我意思用「辣雞」熔o左lan卡同底板之間o既接駁金屬再換過由第塊底板o既lan卡上去。插腳上、底板/BIOS支援上係唔係一定相容o既？如何唔係，點先知換唔換得？