單眼,全片幅與全畫幅的不同

Full size其實唔係針對單眼相機講的,而係講一張相既大小.因為而家啲相機下下都千幾萬像素,有時上載或者俾人如果下下都俾最高像素,容量會十分勁,尤其網頁或電郵會好重負荷,所以一般都會適量縮小的.但如果張相係作大呎吋輸出又或者要剪裁,做畫質測試等.就高像素會比較好,Full size的意思就係你部相機出到既最大像素,冇resize縮細咁解.
Full frame就係講緊相機既片幅,即係感光完件大小.以前菲林時代,135格式就只有36 x 24mm一種菲林大小,但去到數碼年代,除咗同菲林一樣咁大既感光完件外,仲有價格比較低,呎吋較細既APS-C,APS-H,4/3等.較細片幅既話,用同一支鏡頭影,會只影到中間一部份比較小既畫面,變成好似用咗較長焦鏡頭影咁樣,同埋景深會冇咁淺, Full frame的話,就即係感光完件跟菲林一樣咁大.鏡頭特性同視角等都會同用菲林機一樣.而Full frame由於感光完件比較大,入光量多,雜訊控制會比較好或者像素會比較高.
4/3都叫自己做Full frame,因為佢話佢啲鏡頭係全新設計,視角成像圈都係就住感光完件做,唔存在焦距增長等問題.但我覺得這是個取巧的說法.