對頭線影快相

如果你確定到真係對面閃, 唔係你個邊, 一定無事.

第一, 對面線部相機係影唔到你架車的. 龍翔道咁闊.

第二, 影到都無用, 佢無數字. 啓動測速相機係要於特定範圍過指定速度至得. 個範圍一定係相機的行車方向. 影到你架車, 只不過係因為對面有車超速. 個超速數字都係對面線架車的, 唔係你.

最後, 固定測速相機係影車尾, 唔係車頭.

所以一定唔洗擔心.

至於罰則, 有4級:

超速15km以下, 罰$320, 唔洗扣分.

超速15km或以上, 但唔到30km, 罰$450, 扣3分.

超速30km或以上, 但唔到45km, 罰$600, 扣5分

超速45km以上, 罰$1000, 扣10分. (寫就係咁寫, 但聽番d前輩講, 差人唔會比定額告票你, 要你上庭認罪, 個官即時停你牌都得).

要留意, 警察係會扣番超速數字4km作誤差的. 即係理論上要超速成19km至要扣分.

詳情可參考道路交通(違例駕駛記分)條例 (香港法例375章).

影快相只是影車尾的，車尾車牌是黃色的指定反光物料，有法例，所以不用擔心。


雷射槍就會掃車頭，即捕即戒。


還是奉勸一句，請勿超速。