美國航母為何不一分為二

樓主既問題小弟以前都唸過，而樓上志雲兄已經講左重點所在。不過，要解決樓主既疑問其實需要一啲逆向思維。如你所講，將一隻大航母分身做兩隻好似目標細啲，但其實點解唔調番轉唸，依家兩隻尼米茲航母加埋既戰力其實就等如一隻尼米茲級兩倍大既超級大航母戰力﹖事實上從來無人話過一個航艦戰鬥群中只可以有一隻航母，有時美軍的確會係一個戰鬥群中配置兩艘航母，咁就已經做到樓主所講將一隻大航母分成兩隻較細既效果，只係嗰隻理論上比尼米茲級大兩倍既航母從來唔存在而已。

另外，如志雲兄所講，現代偵測技術先進，幾十年前既雷達連潛水艇伸出來嗰支潛望鏡都探測到，隻船咁大根本無得避。反而航母經常要係離開母國極遠既地方作戰，船愈大就可以準備得愈充足，對作戰更有利，所以航母從來都愈造愈大。

航母係國力的象徵，代表自己國家的權力。

航母其實是一種流動型的指揮中心(相等於戰場上流動司令部)，可以協調各種機的行動。航母的容納量較大。同其他回答者的答案一樣，一項軍事行動中要很多不同機種進行不同任務，航母正正就match到一個獨立體中有多功能的服務。通常航母唔會獨自行走，會配合其他船去一起行，一個航母加其他船，係軍事學上會稱為戰鬥群(e.g: 列根號戰鬥群)。如果真係咁唔好采有導彈攻擊航母，其他船或航母自己本身配備左系統，防止被擊落

一艘航母之主要武器為飛機，而要達到全面戰力，實在是包括很多機種，例如預警機、加油機、運輸機、自衛用途之反潛機及救援機，最後才要考慮攻擊戰機。以上特別用途飛機不能只配備一架，必須最少每款配3部(因為要輪班及保養/維護)，這以占去20-40機位(因部份機種體積較大)，試問尚有多少空間去存戰機。如果使用兩艘小型航母，一部裝載特別用途飛機，另一部載戰機? 以這樣編制咪要4千人操作，而一艘大航母則只用3千人操作，你話那個較經濟。
無論重型航母或輕型航母，升空及降落都不會同時進行，因這是極危險的。至於船艦之大小，以現在之探測科技，基本無分別，你估現在還是以目視去找目標。

點解要整咁大隻我就吾清楚,
不過你話航母體積大,容易比人發現同打中
但航母緊係吾會得自己一隻出去的
佢一出去,就係成支艦隊咁出嫁
冇記錯一隻航母好似有成3層保護
基本上你要殲滅哂佢成支艦隊先打得爆佢
你咁大支艦隊比人發現就梗嫁啦
如果佢出得航母就已經係大BOSS黎吾係比你升llv果d怪(好似比喻吾係太好)
因為航母係比戰機補給,升降
最好既防禦就係上空有幾部戰機,潛艇同你攔截d飛彈,魚雷
最好既攻擊就用戰機黎發射導彈,本身既航程加上導彈本身既射程令到射程更遠
所以航母好似剩係帶些小武器自衛