破產申請，離婚，公屋及面對收數佬問題

匿名（或 rainbow） 網友你好！對於閣下 的提問，在下 cecimak 有如下的意見想發表，但請注意這些個人意見祇供你作參考之用，並不保證絕對正確！

先就你的問題作出回應！

1. 申請破產需要多少元?!

答：自行申請破產的費用是 $9,695元！委託律師樓代辦約需多三至五千元的費用！

2. 申請破產必須去律師樓申請嗎!? 或是有其他方法? 什麼方法最快?!

答：不一定要委託律師，可以自行到破產管理署辦理！其實自行申請反是最快的方法，因為委託第三方單是文件來往經已費時失事！

3. 申請破產需要多久!? 上網查資料便說個多月，真的!?

答：要視乎情況而定！因破產管理署要完成審查個案才會轉交高院頒布破產令，而每個個案的債務、資產、債權人數目都不盡相同，加上破產管理署和法庭的工作流程不一，故不能一概而論！

但平均計算和個人申請破產經驗，由申請至頒下破產令，約需兩至三個月！但理論上無需待破產令正式頒布，追數的行動都會中止！

因為按破產法例規定，已申請破產者未得到破產管理署長的同意，是不能私下向任何人還款，違者收授雙方都違法！

4. 申請破產期間如何追數公司說已經申請破產?是有任何文件証明嗎!?

答：祇要破產管理署接受破產呈請，即收取上述 $9,695元的費用和破產申請人在署方職員面前宣誓，便已經正式進入破產程序！

到時署方會有一份申請破產文件的副本交給申請人，理論上祇要向債權人出示這份文件，對方知道而正式進入破產程序便會中止收數行動！

5. 如何面對收數公司的極騷擾性手法!?

答：基本上銀行或持牌財務公司不會以非法的手段追數，而且他們當知道債務人申請破產後，通常都會即時停止收數行動！因為他們知道在法例所限，收到錢都無用兼違法！

如確受到滋擾，可以報警處理！警方會以債務糾紛去推搪你，但你要向警方表明並無借貸，欠債人亦非在上址居址！故對方屬滋擾你們，警方會受理！

6. 我實在等不到個多月的時間，實在極騷擾，有任何方法嗎!?

答：基本上無任何方法！惟一方法就是搬走，如無法搬走那祇好硬著頭皮別管他們！

你們並無欠債為何要怕對方呢？當然假若對方是非法的大耳窿則另作別論！

7. 因為媽媽準備跟爸離婚，而可以在申請破產離婚嗎!? 或是一同處理較好!?

答：離婚與否分別不大！首先香港債務祇管個人，祇要配偶家人無簽署作為擔保人，便無需代債務人償債！這情況離不離婚都一樣，不會因為未離婚而要代還債務！

8. 而破產是爸爸的事，會否影響我們的生活或影響我們?!

答：基本上令尊破產是他自己的事，跟你們絕無關係！除了跟你們聯名持有的資產外，因如他申請破產，依例要將聯名持有的資產中他名下應佔的部分充公償債！而其他配偶家人名義持有的財產不受影響！

9. 爸爸是公屋的屋主，破產後會影響公屋嗎!?

答：不會！房署無規定破產者不能成為公屋戶主，在下正正是破產期間才獲配公屋成為戶主！

而假設令雙親真的離婚，依你們的個案可以將公屋戶主轉給令慈所有！


由於不知何故最近無法於補充資料欄內加上資料，故所有補充將於意見欄發表！

我也身同感受,因為我現在同樣受到你的痛苦,就算你講左N次個人唔係度住,佢地仍然會上的,只不過無咁密。每一天都擔心緊,佢地幾時上同會做咩事(都唔知點解公屋有看更,佢地都上到來),仲有點樣諗應對辦法去打發佢地。唉,總之係每日擔心吊膽咁過日子,十分大壓力,因為平時多數我係屋企。而我就同鄰居打個招呼,有咩事都可以有個照應。

2011-03-27 18:52:59 補充：
問題係我地都無欠債人消息,佢地話仍然會上的。我話我地已經報警備案,但佢地話無用的,我真係好無奈點解要受D咁嘅痛苦。雖然已經去左投訴,但財務公司和銀行都係KEEP住寄信,都唔知點解每次見到呢D信都有D心理壓力,因為可能覺得又係時候上門了。每次佢地走左,我都會打開電視轉去閉路電視個台睇下,而且仲會聽到淋油聲(幻聽),可能真係精神受到重大困擾。我希望欠債人(恨之入骨)要小心過馬路,否則我地就輕鬆了。希望大家都可以走過呢段辛苦之路,我感謝你的分享,謝謝。

re: MICHAEL
應該係有牌! 名叫''寶信信用有限公司'' 上網可以找到的''
欠債數目我都不太清楚! 因為每份信件只寫著''什麼聯絡負責人, 勿誤!''
我只知道他欠的是銀行，我們收到UA，花期呢一類銀行的信件
而爸爸說還有卡數，卡數是來自中國健設銀行. 它的追數公司名叫'gold partners'!

2011-03-15 11:39:55 補充：
突然間收數佬又冇再上黎屋企追數啦! 雖然唔知咩原因，但係都好希望佢地唔好再黎! 屋企人都同管理處講好左, 有咩人都唔好俾佢地上黎!
多謝您關心丫:)

2011-03-24 20:00:50 補充：
我而家都一樣係咁! 其實我因為自修生關係, 每日都會係屋企讀書! 佢地既騷擾令到我係精神困擾啦, 可以係訓訓下覺會幻聽聽到禁鐘聲。
我而家只可以採取做咩事都輕輕力，萬一佢地上黎禁鐘拍門，我只可以唔開門扮冇人, 計而打開電視轉去閉路電視個台睇下佢幾時走! 仲有用張黑紙遮住個防盜眼，等佢咩都望唔到! 自己又同看更打好關係, 有咩事就打低去同佢地講聲, 又去警局備案, 有咩差人都知道咩事! 其實咁樣做, 而家d收數佬就真係拍拍下門見冇反應就走! 唯有一直避! 避到爸爸攪到破產為止! 唉, 好辛苦! 大家共勉之! 大家要努力! 您可以學下我呢d方法!.加油:)

想問一下你爸爸欠的兩間財務公司是那間?
總共欠債的數目有多少?
面對收數公司需要視乎你爸爸欠的是那種財務公司
若是無牌的財務公司便會相當麻煩!

2011-03-11 09:48:11 補充：
下次直接開門說你爸爸已不在這裡住,如果對方兇你或者賴死不肯走
你便第一時間報警吧!

2011-03-14 23:08:21 補充：
你屋企俾人上門追數件事依家搞成點呀?

2011-03-15 12:08:12 補充：
我以前都屋企都發生過同你一樣既case,有咩事就問我啦!