學車期間.如發生事故.是否學生一 人承擔后果?

呢個問題, 無絕對答案.

無犯法, 純粹係民事賠償問題. 你賠晒又得, 兩份比又得, 個師傅攬晒上身又得. 睇下你夠唔夠牙力. 賠幾多雙方傾.

邊個賠多D, 都仲有好多客觀因素. 例如個師傅係咪訓著左, 講緊電話, 架車狀態係咪正常, 你自己有無足夠精神, 學緊第幾堂, 你自己操控能力等.

照計個師傅應該預計到你可能會撞欄, 佢無採取即時行動去防止, 佢點都有D責任.

睇下你夠唔夠惡啦. 你唔賠, 老實講, 佢都吹你唔脹. 不過D教車師傅搵咁少, 比你撞一舖, 隨時係佢成個月人工. 都好慘, 所以你學得車, 第日會買車駕車, 都應該預左要比車身維修錢, 我建議你比番多D都好應該既, 始終當時個軚同油門都在你那邊嘛. 當買個經驗啦.

唔係喎！我記得我以前學車嗰陣，喺香港駕駛學院度學，我唔記得報名時定係正式開車時佢哋講過話，如果期間只要有師傅陪同，萬一發生咩事，例如撞壞架車，都唔駛我賠！

視乎師傅有無良心願意去承擔自己應該負責的，這是現實。

小弟是駕駛教師,據運輸署的指引..如你是學習駕駛者...發生意外是你跟駕駛教師共同負責,如你是持有較駕駛執照持有人..就算有駕駛教師在旁..都是由駕駛者負責...

當然全是你責任啦! 架車係你開同控制架嗎?
師傅只係指導你, 無叫你撞埋去格