想問出車保險報價同簡車問題

如果以上車24歲會有機會接受投保，保費約2,600.00，需要詳細資料才可以確實保費，如有需要可以聯絡我，希望幫到你

答1.): 我都建議你買Move ，輪外形現在都睇得吓，多嘢改裝，唔好急買，Move大把車盤只要細心慢慢揀車一定會搵到部好啲。但大發副偈出名唔耐用，至於佢行細turbo，行完車臨關引擎前待兩三分鐘便可，若TIME 有碼就更好，有大把二手翻新料，你搵年份近啲，少手數少里數比較好。番嚟後搵相熟車房換吓油執執就可以。至於Lancer MX 98差兩代車款，Mazda 323 99唔靚又薯又鈍，鈴木 Kei 98 無人要咁滯。

答2.): 過25同唔過25保費差得很遠，起碼三保差三、兩千元。

答3.): 我識一個唔夠牌齡、無NCB未夠廿五歲出部 大發YRV有turbo要九千幾燕梳，你情況就似他好可能三保要九千幾。你可以叫你夠牌齡夠歲數屋企人做車主，加番你做司機名，但可以肯定一定加你墊底費$5000至$7000。以我所知若新牌和未過25歲無NCB呢架車絕大部份保險公司唔受保，得一間半間肯做，大間中銀唔會做，做都超貴，但細間啲如新印度可能會做，但我估計三保隨時都八、九千，仲要加墊底費，本身夠牌夠歲一般要$3000至$5000墊底費，你可能係$5000再加唔夠牌齡$5000，另再加未夠歲$5000等於你要$15000墊底費才肯承保或者要更多的墊底費。你最好報文職。又唔知水貨定行貨，又唔知幾多年車，可以求其打間保險代理或保險公司問價，佢哋即刻覆到你，但有時好可能要留電話，十分八分就會覆。最好問保險代理(問保險代理唔好問保險公司，因為保險代理是保險公司的中間人，他們會代理多間保險公司，只是賺佣，過水濕腳，你張三保成八、九千蚊，抽唔少佣金，他們實有方法的。)若你問保險公司則要逐間去問，因為問保險公司只能答到自己哥間，人哋啲答唔到你。有啲大型二手車車行會自己做埋保險，若你買二手可以問佢吔代你出份保險。因為單門、是turbo Sports car，不算房車，呢架車算是飛仔車，仲有隨時呢款車非法改裝或輕量改裝。 比個小貼士你:注意係唔係直版?若唔係直版?有無小撞或大撞?假設98年車係唔係97年製但98車定98年製98車?定98年頭定年中定98年尾出車落地?泊室內定有蓋室內多?行車里數多定少?係唔係行中、港車(但相信MOVE一定唔會行中、港)?有無原廠保養?係唔係積木車?有否曾經大修或抬過幅"偈"(引擎)?有否入過水?又係唔係水貨車定日本、外國水車但到香港98年登記?係唔係原压油定已轉色翻噴?有無大改或有無小改又或者全原压?轉過幾多手車主?已驗車未?有無牌費?牌費長唔長?以上一連串呢啲問題都影響二手車價。

http://www.car8.com/2car.php?show_car%5B%5D=1&show_car%5B%5D=2&car_brand=15&car_model=MOVE&car_gear=&car_manyear=&car_type=&car_display=24&car_sort=3&show_page=1&search=1&Submit=%B7j%B4M

http://www.28car.com/

Kei / Move 都差不多. Lancer / Mazda 就千期唔好攪 lak. 至於個 turbo, 如真係有事. 最多唔用姐. 咁如果你保險 D, 買 Kei lor. 至於保險方面, 呢類車三保 (如過 25) 約千餘元 ka jar. 但未夠 25真係唔知.