✔ 最佳答案
你條孔雀乸有細菌感染,由散仔缸放番佢出黎醫先啦!
落藥可以同健康既魚一齊浸住。
用黃鹽、神奇寶貝(细菌性治療劑)、神奇寶貝(淡水白點治療藥),
3種藥同時使用。
黃鹽可在旺角金鱼街(宏和水族)買,$10一包,果度d黃鹽調較得幾好。
黃鹽每10公升水落一匙,食飯盒果隻匙,
計算公升方法,水位計: 長?吋x闊?吋x高?吋÷62=?公升
神奇寶貝(细菌性治療劑),神奇寶貝(淡水白點治療藥),
呢兩種藥係旺角金魚街(大堡礁)或者(生龍水族)有得賣,
跟說明書落就可以。
第1日落藥之後隔天换1/2魚缸水,
換完1/2魚缸水要加番第1日藥既1/2份量藥入魚缸,
3種藥都要加齊,
大約一星期d魚睇下好番哂未,
好番哂然後分幾日換清番d水落番粗鹽就ok。
d鱼無病平時换完水都加番d普通粗鹽入缸d鱼就無甘容易病,
份量都係每换10公升水落一匙,食飯盒果隻匙。
如果有活性碳要攞走,因為活性碳會吸走哂d藥力,落左藥等於冇落過一樣。
希望你條孔雀乸快d好番啦!