我的金元寶大肚

d魚有體內寄生蟲,所以條條魚個肚都好似有少少脹,
體內寄生蟲會傳染,可能而家你全缸魚都會漲左肚,
再遲d醫d魚好大機會會死,快d落藥醫啦！
去旺角魚街(一六九水族)買支H6 條蟲吸蟲劑,$48一支,
依說明書落一星期內d魚就會好番,
d魚再遲d唔落藥個肚再漲大d就冇得救。

想知道條魚係食飽左野漲肚定係有體內寄生蟲漲肚好易分,
你只要餵完一餐之後,等24小時過後,
條魚個肚平番唔漲就係正常,如果仲係漲漲地就係中左體內寄生蟲,
試左d魚如果真係有事就落藥啦！

希望可以幫到你啦！

首先,你要確定你既金元寶係唔係真係大左肚,而唔係餵得太飽而肚發脹....
如果真係大左肚既話,咁都冇咩大問題
你可以出金魚街買一啲好平既水草,又或者石,因為金元寶e一種魚生既卵係散性卵,即是一生出黎既魚卵冇黏性,只會沉到水底,好易俾成魚食,所以魚卵一定要保護,將e啲咁既水草同石鋪响魚缸底就可以架喇,之後就可以等佢生.....當然生先之後最好撈走所有成魚,免得佢地食魚卵...
孵化後既仔魚可以用bbs黎餵....
*雄性金元寶比較紅,身形比雌性金元寶細,雌性金元寶則比較豐滿及色彩較沉*