新牌出保險問題

以我所知若新牌和未過25歲無NCB呢架車絕大部份保險公司唔受保，得一間半間肯做，中銀唔會做，但細間啲如新印度可能會做，但我估計三保隨時都成萬，仲要加墊底費，本身夠牌夠歲一般要$3000至$5000墊底費，你可能係$5000再加唔夠牌齡$5000，另再加未夠歲$5000等於你要$15000墊底費才肯承保或者要更多的墊底費。你最好報文職。又唔知水貨定行貨，又唔知幾多年車，可以求其打間保險代理或保險公司問價，佢哋即刻覆到你，但有時好可能要留電話，十分八分就會覆。最好問保險代理(問保險代理唔好問保險公司，因為保險代理是保險公司的中間人，他們會代理多間保險公司，只是賺佣，過水濕腳，你張三保成萬蚊，抽唔少佣金，他們實有方法的。)若你問保險公司則要逐間去問，因為問保險公司只能答到自己哥間，人哋啲答唔到你。有啲大型二手車車行會自己做埋保險，若你買二手可以問佢吔代你出份保險。因為單門、兩座開逄燕梳是Sports car，不算房車，呢架車算是飛仔車，仲有隨時呢款車非法改裝或輕量改裝。雖然不是高据偷竊車榜首位，但少事故車(炒車)，但都有人偷。 比個小貼士你:注意係唔係直版?若唔係直版?有無小撞或大撞?假設04年車係唔係03年製但04車定04年製05車?定04年頭定年中定04年尾出車落地?泊室內定有蓋室內多?行車里數多定少?係唔係行中、港車(但相信MRS一定唔會行中、港)?有無原廠保養?係唔係積木車?有否曾經大修或抬過幅"偈"(引擎)?有否入過水?又係唔係水貨車定日本、外國水車但到香港04年登記?係唔係原压油定已轉色翻噴?有無大改或有無小改又或者全原压?轉過幾多手車主?已驗車未?有無牌費?牌費長唔長?最後留意開逄膠邊有無老伦入水或滴水，以上一連串呢啲問題都影響二手車價。

你唯一的方法是請你屋企人做車主，因為未夠２３歲係做唔到。