養水晶蝦設備器材一問--------

用頂濾養蝦可以嗎？可以

要加恆溫器嗎？天氣凍要用暖管,唔係温度時高時低水晶蝦好容易死,
保持22至24度最好。

ada泥合適養蝦嗎？非常適合

除人工糧，有咩天然糧岩蝦食？泥外面既微生物,水草外面既微生物,
巳經是天然糧。

首之落泥落缸要點做？下面會講

泥洗唔洗洗乾淨先得？下面會講

洗唔洗加氣泵？最好要有氣泵和水妖精

係咪一定要同植物一齊養？唔係,但係有植物就最好


1.底喉同潛水泵是用來把黑泥或沙石裏面d污漕野抽出來的, 如果唔用底喉同潛水泵鋪黑泥或沙石係缸底,全缸d蝦好易會死, 因為d蝦屎同食剩d野入左黑泥或沙石裏面,會滋生細菌, 冇底喉同潛水泵抽唔番d污漕野出黎,全缸d蝦好易會死, 所以一定要落左底喉同潛水泵落缸底先至鋪黑泥或沙石上面, 底喉唔係間間魚用器材舖都有得賣,你去魚街(升輝)就有得賣, 如果你唔知係乜野講個缸size比店員知,佢地就會知道攞比你。


2a.放左底喉同潛水泵落缸底之後, 將包ADA黑泥鋪上面姐住哂d底喉,然後慢慢放水入魚缸, 要較細d水,唔好甘大,因為太大水整濁左d水有排都濾唔清, 出水個咀要射向缸邊,唔好直接射落d泥果度, D水載滿魚缸之後,第一缸水唔好要,吸番走哂出黎, 用呢個方法再入滿水,第二缸水可以要, D水可能唔清,唔緊要,係正常架！ 2b.跟住開哂d濾水器、潛水泵、氣泵、暖管、 等幾日d水就會濾清番哂,跟住可以買水草, 買個水草夾會方便d,洗乾淨d水草就可以種係泥入面, 千其唔好用水喉沖d水草,甘樣會好容易斷草, 用個膠盆浸住d草來洗就ok,搞掂哂d草就可以買蝦, 放蝦之前要落粗鹽,每10公升水落一匙,食飯盒果隻匙, 水位計: 長?寸x闊?寸x高?寸÷62=?公升水 甘d蝦就冇甘容易死, 跟住成包蝦浸入魚缸等30分鐘,等d蝦適應左水温, 然後剪袋,倒1/3水出來,加番d魚缸水入袋,等10分鐘,
重覆3次呢個動作,
跟住袋裏面d水全部唔要,撈蝦入缸就搞掂。


3.換水最好一星期2次,每次換1/3缸。


4.黑泥易處埋d,因為泥有營養,所以d草冇甘易死, 換水時出水口一定要較慢d,射向缸邊,唔好射向泥果度, 如果唔係搞到d水濁哂會好易死蝦。


5.起碼3年以上先至大換一次泥,冇必要都唔好換, 因為非常非常麻煩,3年之後缸蝦冇乜野就唔洗搞佢, 唔好刻意幫個缸換泥,因為d蝦適應唔到會好易死。


6.魚缸燈可以考慮用LED夾燈,又慳電而且好光, 用JAD呢隻牌子LED夾燈,魚街(維港)$165, 暫時LED燈中最平,而且光度夠哂光,啱哂養草。

多的話要加氣泵,一定要同植物一齊養,泥吾洗洗!千奇吾好加恆溫器!!!一個星期換一次水!水温要夠冬!愈冬愈好!!!