去日本旅行

1. 避開長假期/聖誕/暑假/新年依D旺季，其他日子都叫做平，最平大概係5-6月/9-11月依D時候。酒店旺季同機票旺季又唔同，機票旺季係睇香港假期，酒店旺季係睇日本假期。如果你想買PACKAGE，可以先拎資料望下，唔同出發日期價錢會唔同，星期四出發同星期六出發可能又爭幾舊水。

2.仲會有機場稅，另外可能會有燃油附近費/旺季附加費/酒店周末附加費等等，每個PACKAGE都唔同。

3.跟團平D定自由行平D要自己格價，要視乎行程、食住。有時候會有D超平旅行團，但自費項目好多，又要俾導遊費，計起黎可能都唔平。自由行洗費好浮動，要睇你餐餐食面包定係大魚大肉，去的地方洗唔洗好高的入場費同車費等等。

4.預幾多錢都係要自己格價，PACKAGE有平有貴，ANA/JAL/國泰都有自己出PACKAGE，你可以上官網參考下D價錢，寫得好詳細。
於食，都真係睇你要求，一般平民餐廳食一個定食/拉面，大概800-1500YEN左右啦，如果你食吉野家依D就可能仲平D，如果食迴轉壽司你預1000-2000YEN/人，睇你大唔大食。
交通方面呢，你都可以計到，JR同各大地鐵/私鐵官網都可以計算車費，如果你PLAN左個大概行程出黎，你就可以大約預算到車費。東京的話搭JR最低消費130yen

5.跟團價錢仲易預啦，如果你跟全包團，餐餐包晒你又有車管接管送的話，你剩係預買野/買小食/買手信的錢就夠，當然唔好唔記得導遊費啦

6. 酒店你可以買PACKAGE的時候買埋，PACKAGE都有酒店延長住宿價格，價錢岩、唔想搬酒店又唔想煩的話咁你加錢延長住宿就得。
如果想額外BOOK，你可以經旅行社幫你訂，都係好簡單，仲可以叫佢介紹D酒店俾你(當然啦，香港人住黎住去都係個幾間，所以佢地都係推荐個幾間俾你)
另外，你可以上網自己BOOK:
樂天中文版: http://big5.tabimado.net/
樂天英文被: http://travel.rakuten.co.jp/en/
Agoda: http://www.agoda.com.hk/
cx holidays: http://www.cxholidays.com/chl/zh/r/hotels
priceline: http://travel.priceline.com.hk/chi/retailair/package.aspx

上面依d係香港比較多人book酒店的網站
推荐樂天同agoda，選擇非常多，樂天的話好多酒店可以入住時先俾錢，咁樣彈性比較大，轉plan要改酒店都容易好多，當然如果要cancel booking的話記住要早幾日做，唔好入住個日先cancel，更加唔好no show
樂天同agoda係自助形式，如果你唔放心，可以用cx holiday同priceline，有專人confirm你，或者自己打電話上去book都得，不過價錢同旅行社差唔多，勝在列晒d價錢同酒店資料出黎方便d

7. 其實都冇咩要注意，你第一次去最好功課做足d，預先check好晒要答咩車啊，景點營業時間啊等等。日本自由行好容易，指示牌/地名都好多漢字，餐廳食野menu有晒圖，落order指俾佢地睇就得，埋單好似茶餐廳咁拎張單去門口俾錢就ok，基本上都唔洗點講野。
排華更加冇依回事，東京係一個好國際化的城市
多遊客去的地方你隨時見到中國人多過見到日本人，你唔好搗亂普普通通做個遊客基本上唔會有事，日本治安安全過香港，最多夜晚唔好行d非常僻靜的地方就ok。
另外要注意就係，無論係咩交通工具上都唔可以講電話(你可以send sms/上網/玩遊戲)，手機要較做震機mode。

依家唔好去住啦! 危險呀! 好番先去啦! 人命關天呀!