請問的士牌那一間學好呢

個人建議, 自己就咁去運輸署報.

比$510就攪掂, 自己番屋企溫書.

筆試分3個部分,

1. 的士則例, 20題, 只可錯2題.
你報左考的士牌後, 運輸署會比本的士則例你, 睇熟佢, 一D都唔難.

2. 交通例, 100題, 只可錯5題.
呢度其實肥幾多人, 但其實9成都係常識題, 只不過係將你第一次駕駛筆試加多幾倍咁解. 睇熟本道路使用者守則就得, (本野好似無得攞, 要比錢買), 要背, 醉駕等, 都幾多野讀.

3. 地方試題, 20題, 只可錯2題.
運輸署會比本地方試題小冊子你溫, 一定係出裡面647題其中20題. 所以得一個方法, 死記, 但係你如果做過D外勤工作, 有一半以上都係唔洗記.

是但一部分肥都唔得. 有D難度.

全部選擇題, 有晒範圍, 有晒資料, 肯溫書就得, 你去上堂都係同你做相同的野, 你唔乖乖地坐係屋企溫書, 佢點幫你都會肥, 所以幾百蚊其實可以慳番. 留番D錢, 用黎準備交租的士按金好過.

我用左成2個月溫書... 日日撘車睇D, 晚晚臨訓又溫D. 真係考會考都無咁勤力. 舊年考到, 到而家做左半年替更. 筆試D野, 對實際工作跟本係無幫助. 所以慳錢為上.

我當初都有報課程上, 但上左兩堂已經再無上, 因為考筆試真係好講自己. 合格率同邊間學院無乜直接關係.