世界末日係咪真架(20)thx~~

其實呢個係近年一個幾熱門既話題，佢既來源主要係幾年前有一個超複雜又勁靚既麥田圈出現。咁複雜既圖形自然會令人聯想起可能佢會有一啲特別既含意，於是就有大量既人係度猜度究竟呢個圖形想表達啲乜﹖有一個人認為佢係古瑪雅日曆，並提出世界會係2012年末日。

問題係，呢個講法值唔值得信﹖講樣野比樓主知，可能樓主年紀未夠大聽過諾查丹瑪斯（Nostradamus)既所謂“驚世預言”。呢位生於幾百年前既仁兄寫左本書叫《諸世紀》，幾百年來都有唔少人話佢既預言超準，又話預言到第一及第二次世界大戰，甚至係希特勒既出現。書中提及末世會出現一個“反基督”令世界毀滅，跟住就有唔少人言之鑿鑿話末日發生係1999年。小弟記得係八、九十年代，每隔兩、三年就有唔少報導或節目係咁講諾氏既預言，但最後點﹖末日係來臨左，不過早左一年係1998，而且只係對於亞洲各地既股民而言係末日。


但講起末日，其實咩叫做末日﹖要地球爆炸﹖比較講得通既係指全人類死晒。而好恐怖地呢件事差啲就發生。有研究話70,000年前全人類既數目由100,000大跌至得番7,000，幾乎肯定係疾病搞鬼。而係人類歷史上，至少有兩種病玩足人類幾千年，人類有幾耐歷史佢就玩足我地咁耐，而且次次殺人數以十萬計，來無蹤，去亦無影，總之每次都將受感染地區既人口幾乎殺盡為止，呢兩種病先至有資格令人類滅絕，而佢地就係腺鼠疫同天花。腺鼠役每次出現同消失完全無徵兆，但殺人如麻，公元573年嗰次所謂既查士丁尼大瘟疫就殺足一億人。中世紀歐洲既鼠疫殺幾千萬人，殺足四成人口，有唔少地區既人口完全被滅絕。呢個病極恐怖，若變成肺鼠疫則變成空氣傳染，傳染性極高，吸入患者呼出黎既空氣會立刻受感染，而且死亡率基本上係100%，只有極端少數既患者生存。另外呢個病既發病速度奇快，我睇過一個記載話有個人去街市買野，懷疑老闆係肺鼠疫患者，個客人本來仲好地地，點知同老闆講唔夠三句就暈低，跟住死左。呢個咁恐怖既病要到1894年先至有對付佢既方法，之前完全係任佢擺佈。

其實仲有好多極恐怖既病都曾經屠殺巨量既人口，而且人類仲要一樣幾千年來束手無策。包括麻瘋、肺炎、肺結核、痢疾、霍亂及黃熱病等。但人類係咁多疾病既襲擊下都未滅絕，依家仲要可以控制佢地，所以要世界末日唔係真係咁易。

仲有，啲人成日講話有個星球叫NIBINU既會係2012年靠近地球，簡直就係發嗡風！傳聞NIBINU有成個月球咁大，如果佢靠得咁近，我地會睇唔到﹖！月球即使係新月時係晴朗既天空中都無可能睇唔到，你真係當所有人盲既﹖！唔好同我講話嗰個係睇唔到既黑暗星球，咁樣只係一再顯示啲人對天文學及物理學既徹底無知。因為一個星球就算用可見光或任何電磁波都觀測唔到，都絕對可以靠探測佢對地球重力場既變化而探測到佢。係二、三百年前，科學家已經因為計算到土星既軌道同實際觀測時不同而猜測可能係遠方有一個大天體影響到土星而引致偏差，跟住仲要發現埋天王星！(發現嗰位仁兄係著名天文學家威廉．克歇爾(WILLIAM HERSHAL)，但計數發現有問題嗰個唔係佢，但係佢癲到睇左全天三次，將天空所有見到既星雲星團編號，嗰個表就係成日聽既NGC星雲星團表)天王星大過月球咁多，亦遠到難以想像(時速四萬哩既航行者2號太空船都要飛十幾年先到)，但幾百年前既科學家都可以靠純粹計數而知道天王星既存在，若NIBINU咁近地球，以今時今日既太空探測技術會探測唔到﹖！

好老實講，就算世界真係末日，我都只相信會係疾病，或因氣候變化而引致既長期生存環境變壞，呢個“長期”係指短至幾百年，長則幾萬，甚至係幾十萬年既時間。呢個時間對於地球來講只係極短，算係急速既變化，但對於人類來講就係極漫長既日子，長到我地只要有決心，就一定可以力挽狂瀾。

另外，瑪雅人既日曆雖然已証明好複雜，但佢鐘意點整曆法係佢地既事，而且已經有不少學者提出其實瑪雅日曆唔係幾準確，所以話2012年冬至有大件事係無根據既講法。而且，瑪雅日曆係嗰日完結同我地用既日曆係每年12月31日完結一樣，第2日就係新循環既開始。佢地鐘意將啲時間斬成幾多件都無問題，某段時間既起始同結束只係佢地既習俗，如果求其搵個日曆出黎就話會世界末日，咁大家就有排驚。而且根本無人知道嗰個麥田圈係唔係真係就係瑪雅日曆，條友亂吹都好信﹖我約定樓主2012年12月22日睇下有無事發生﹖！

仲有，不少關於2012既不實傳聞其實好易被證明為假，以下係相關既video﹕

http://www.youtube.com/watch?v=AUnINDZolDY

http://www.youtube.com/watch?v=9oIXRYyvB8M&feature=related

懷疑係瑪雅日曆既麥田圈﹕

http://s12.album.sina.com.cn/pic/49e62b9b02000m6b

我仲細9歲,好細細細細。

2012年人類滅亡說
圖片參考：http://bits.wikimedia.org/skins-1.17/common/images/magnify-clip.png
瑪雅日曆中的末世記錄是指瑪雅文明中，與瑪雅日曆2012年12月21日冬至之時相關連的終末理論。 簡介一些21世紀初的神秘學雜誌[誰？]上，報道有關瑪雅日曆第五週期將於2012年冬至日終結的預言。預測主要是根據對瑪雅日曆中對本週期終結的記述，並將於2012年12月21日到23日之間終止世界的證據。此類推測現已擴散到一些書籍，互聯網網站和電影中。瑪雅日曆中預言，從第一到第四個太陽紀末期地球皆陷入大混亂中，而且往在一連串慘不忍賭悲劇下落幕：第一太陽紀是馬特拉克緹利（Matlactil Art），最後被一場洪水所滅，神秘學家說法是諾亞的洪水。第二太陽紀是伊厄科特爾（Ehecatl），被風蛇吹的崩解，神秘學家認為可能是全球規模的颶風或龍捲風等劇烈天候。第三太陽紀是奎雅維洛（Tleyquiyahuillo），因天降火雨的毀滅之路，神秘學家推測為古代核子戰爭或是大隕石。第四太陽紀是宗德里裡克（Tzontlilic），也是火雨的肆虐下引發大地覆滅亡。第五太陽紀是托納提烏（Tonatiuh），太陽消失，地球搖晃，地球毀滅。瑪雅預言最後一章多是年代紀錄，而且這些年代紀錄如同串通好的，全都在第五太陽紀時宣告終結，因此，瑪雅預言地球將在第五太陽紀迎向完全滅亡的結局。當第五太陽紀結束時，必定會發生太陽消失地球開始搖晃的大劇變，太陽紀只有五個循環，一但太陽經歷過5次死亡地球就要毀滅，而第五太陽紀始於紀元3113年，歷經瑪雅大周期5125年後迎向最終結束。現今西曆對照這終結日，就在西元2012年12月23日前後。[1] 但是，屬於不同知識領域的學者們駁斥了這個2012年世界末日的說法，他們聲稱並沒有任何現存的瑪雅刻本記載了這個預言。主流的瑪雅學家宣稱長紀年曆（Long Count calendar）在2012年「結束」是扭曲瑪雅歷史的說法。[2][3]而現代瑪雅人大體而言，並不把那個末日的日期視為很重要的日子，而關於末日的古典資料相當稀少而且互相矛盾。這暗示著，就算瑪雅人對那個日子有什麼一致的看法，那個日子也不怎麼重要。[

權威解答: 唔係真既.
Any Further questions, feel free to ask

假的！！

１９９９年，法國有個教會，叫信徒齊集廣場，等末日，結果冇事發生．．．．．

這只是教會騙人技倆，為了十一。

放心，我一日未死，絕對不會有末日！！

因為我已經返老還童。

2012年 末日來臨?很多人討論2012年是否世界末日 , 源頭始起瑪雅曆法到了2012年世界會終結 , 地球會發生大災難 : 大洪水沖擊美國紐約 、日本被海嘯淹沒。另外有個NIBIRU的星球會接近太陽系 , 地球會受到威脅或外星人會來侵略 ,還有大型隕石撞擊地球導致人類滅亡 ？( 剛好在11月時在印尼上空發生隕石大爆炸) 甚至有神秘組織引發大型戰爭發生？ 都和2012有關的。
坊間討論有很多 , 究竟末日是否來臨、 地球是否回歸宇宙、或且人類文明劃上句號。只有上帝和佛祖才知道 , 如果從科學論點來說 , 原來地球是終會毀滅一天？那麼何時消失 , 有何故毀滅呢 ？原來一切和太陽有關係 , 太陽可以給人類光明和溫暖 , 但當太陽邁向死亡時 , 地球因溫度升高造成環境巨變 , 這樣就要面對末日來臨了。
據科學家分析說 , 太陽(恒星)內部核重力和向外膨脹力是平行 , 就是固定狀態。但是太陽亦都像人類生老病死的階段。當太陽進入老年時期 , 她的內部核重力失去自節能力 , 就大量核幅射射過來。那時地球就好像加熱沸騰的滾水一樣：温度驟升陸地變成乾旱 , 寸草不生 , 所有生物被大量幅射照射而死亡。當太陽進一步成為紅巨星時候 , 地球慢慢地被吞噬了。銀河系亦都湮没宇宙內 , 化為星塵。
據估計太陽現在的狀況 , 是人類壯年的階段 , 大約50億年後步向老年 , 換然之 : 人類還有來日方長！

世界末日?
以科學角度及現有數據中看2012幾乎無可能系世界末日(0.0000000000......%)
你可能系因為以下的資料而認為2012系世界末日(根據瑪雅曆法)
http://goldbugbug.tripod.com/doom03.htm
但系瑪雅族長澄清左2012只系新紀元和舊紀元的交接並非世界末日.

以下系牛頓的見解(2060年)
http://www.jgospel.net/christian-living/daily-news/%E7%A7%91%E5%AD%B8%E5%AE%B6%E7%89%9B%E9%A0%93%E9%A0%90%E8%A8%80-2060%E5%B9%B4%E4%B8%96%E7%95%8C%E6%9C%AB%E6%97%A5.c58.aspx
但系並未有數據證實,而且牛頓個陣的科技未有發達,未可當實.
另有可信性較高的預言:
http://hk.news.yahoo.com/article/100729/18/jewm.html
行星1999 RQ36有1/1000幾率將於2182年9月24日撞擊地球,另一顆對地球構成威脅的行星「阿波菲斯 99942」預計在2036年與地球距離最近，撞上地球的機率比行星1999 RQ36小，只有1/25萬。
本人認為2036的該行星無咩可能令地球面臨世界末日.2182年的該行星則很有機會,但系個時我地都死左啦,5使驚.

純綷傳言,唔使擔心...........>.<