如何分出水貨同行貸相機鏡頭?!

你有少少誤解, 水貨唔一定差過行貨, 以貨品質素嚟講, 基本上係無分別. 你要明白乜嘢叫行貨, 乜嘢叫水貨.

以你講支鏡為例, 如果冇錯, 呢支鏡係 Nikon 响泰國出產.

行貨:
泰國出產-->運到香港Nikon總代理 (sole agent)-->交香港合法分銷商(authorized dealer)-->買比用家

水貨:
泰國出產-->運到香港以外地方嘅 Nikon 總代理-->買比香港未經許可嘅零售商-->買比用家

主要分別係保養問題, 如果係香港買嘅行貨; 由香港代理負責保養. 如果係香港買嘅水貨; 由鋪頭自己攪惦, 品質冇保障.

水貨唔等於次貨, 所以基本上同行貨係冇分別.

想要知道買嘅係行貨定水貨; 好簡單, 打電話問吓總代理; 你要幫襯嘅鋪頭係咪特許分銷商, 如果係就一定係行貨. 總代理一定會答你呢個問題, 因為佢地想維護佢地嘅利益, 希望你買行貨.

水貨與行貨基本一樣，都是同一生產地。行貨是有一年保養，出問題可以追究 / 維修。而水貨購買時檢查清楚，亦不會有太大問題；所以最好帶相機去試。