係淘寶網買野比錢ge問題.

淘寶小教學 之前都係透過團購等方法搵其他人幫手買, 不過唔係太方便, 而且自己心思思有好多野都想買, 比人賺不如自己淘, 真係會慳返好多~ 於是就學下自己淘寶喇..1. 首先去淘寶網注冊- 去www.taobao.com , 左上角可以click免費注冊, 再揀郵箱注冊

- 最好用真既資料, 否則交易出問題未必可以跟進... 驗證碼下面有一格寫住"用該郵箱創建支付寶帳戶", click左佢. 跟住可以提交註冊,

- 系統跟住會send email比你, 你入返登記左既email account就可以激活acc2. 點降要注冊埋支付寶(taobao.alipay.com)?- 注冊支付寶既好處係比較安全, 買野比錢之後支付寶會keep起先, 等你確認收左貨之後支付寶先會將錢過比賣家, 咁就唔怕發現d貨有問題但賣家收左錢之後唔肯負責任... 支付寶好安全, 內地既人會用佢交水電費tim - 不過呢, 賣家發貨之後10日支付寶會自動過數比賣家, 如果未收到貨就要同賣家講返, 佢可以幫手延長返個過數時間, 等你簽收後支付寶先過數- 最好download阿里旺旺同賣家溝通, 係一個好似msn咁既渠道, 同賣家講既野可以用黎做證明, 如果有咩爭議最遲可以確認收貨15日內搵淘寶做中介人去解決3. 跟住就要激活支付寶- 跟足step 1既話, 支付寶account已經開左, 但需要activate左先可以用

- 用你既會員名同password登入左淘寶先, 跟住揀賬號管理, 再揀點此激活

- 跟住支付寶會要求你補返d資料.. 提交資料後就完成, 登入賬號係你既email, 唔係淘寶果個名..

- 最後提醒大家, 支付寶登入同比錢之前都會要求打你既密碼, 不過登入同比錢既密碼預設左同淘寶登入密碼一樣, 如果想安全d, 建議用返唔同既密碼.. 可以登入支付寶後揀我的賬戶, 再修改密碼4. 入錢充值支付寶- 暫時方法都好多, 大部份既VISA/MASTER都可以用到, 不過就要收3%既手續費, 依個我未用過, 因為我無信用卡=P- 另一個方法係經淘點(www.taodot.com), 不過匯率會比佢賺左少少, 兌1:1.21, 但都OK既... 經淘點既話要用支付寶既password登入, 可以揀去OK便利店買充值劵或者去中銀/HSBC入數, 再唔係上淘點office比都得- OK便利店充值劵面值分為200/500/1000/2000.. 係機印既單, 買左之後7日內要將個code打入去淘點戶口, 多數幾分鐘就會成功充值, 24小時都可以用,充值後既金額無使用限期- 去中銀/HSBC入數就麻煩少少, 等得比較耐, 服務時間只係去到7pm, 仲要upload入數紙比佢睇, 再等佢approve5. 購物- 跟住就將心水貨品加晒入購物車, 確認購買之後可以搵賣家修改運費或其他價錢, 如果唔駛改就可以打支付寶既password比錢喇
6. 快遞公司
直接送香港既快遞公司多數係順豐或者EMS- 順豐比較貴, 送好多地區仲要加附加費, 不過就比較快; EMS就會由香港郵政派既, 2個方法都可以網上check件去到邊, 但EMS大件少少既有可能會比海關扣起check, 少則幾個鐘, 多則幾日.. 不過我唔心急, 所以都係用EMS- 快遞公司送黎之前會打比你, 如果無人係屋企可以試下同佢約第二個時間, 如果唔係就要上佢公司拎, 都幾麻煩... 而且一般都要比住宅附加費RMB$20-40蚊不等.... EMS就唔駛附加費, 會送上屋企門口, 但因為係郵差送, 到之前唔會比電話你... 不過如果屋企無人佢會留一張紫色既卡仔, 可以自己約佢去附近郵局收件, 或約時間叫佢派多一次- 有時候快遞公司/EMS既網上status係唔太準既, 唔可以完全信晒... 只會顯示佢上落車同埋去唔同分發站既情況, 有時會有delay.. 同埋如果個包裹係2個站中間, 可以2-3日無update都唔奇... 我就試過網上寫住派過去我屋企但無人收, 打去問就發現其實未派, 包裹仲係中環總局未分發.. 所以有咩都唔駛心急, 等下先, 亦唔好怕打去問下 7. 集運
不過有時一間鋪只係買 一兩 件, 運費仲貴過件貨, 而且好多時都唔只睇中一間鋪既貨品, 所以用集運會比較化算.. 分分鐘慳一半以上運費甚至更多.. 集運既介紹詳見另一篇 (http://hk.rd.yahoo.com/blog/mod/art_title/*http://hk.myblog.yahoo.com/Janet-K/article?mid=27)

您好， 我推薦您一個關于股市投資與個人理財的資源網站，上面有很多很不錯的資源，肯定會對您有所幫助。

http://www.hkstock.info

祝你事業發發

是，你可以到OK便利店購買淘點充值卷，有$200、$500、$1000、$2000選擇。

你只要向職員表示想購買「淘點充值卷」，再付款，職員就會比張收據你（係普通購物收據），上面有認證碼，你再到淘點認證有關收據就可以。

詳情：http://www.taodot.com/?action=recharge&method=flowDetail#

支付寶系好似買點數甘~