我覺得自己好唔正常~

我覺得我同其他人好唔一樣 好唔正常
我次次做野都做唔長 大多都係因為人事關係
所以做野幾年啦 全職經驗都冇嘜
都係斷斷續咁打工 騎牛搵馬
我唔識同人溝通 去到一間公司
永遠先入為主 唔同我講野我就唔想同佢地講野
覺得佢地又係唔鐘意我
但事實好似又係咁= =
到我話resign~d同事都好似想我快d走
啊頭都唔會問我咩事走 冇唉我唔好走個d

同朋友都係咁
d朋友以前都會搵下
但我覺得係因為我性格唔好 佢地冇咩再搵我
鐘意我0既男仔都係唔鐘意佢地 就唔會再搵我
呢d唔認真0既 做朋友都冇用 我都唔需要!!!!!!
基本上 我日日電話係唔會響 冇人主動搵我
都係有時太耐冇搵 我先忍唔住約佢地
但都係冇人肯出 有時仲空口講白話~
而家直情搵都唔搵 費是人地唔想同我出街都要諗計仔~~

不過有個朋友怇係好主動0既人 好多朋友
有時都會搵我
呢排我同佢都冇工返
多佐搵我 因為佢其他fd做野/唔得閒
我都覺得d人好悶or冇人得閒先會搵我
咁佢冇理由次次都係搵我
一有fd搵佢/有街出 佢就冇搵我 都係電話冇個啦
係fb見佢差唔多日日都有街出 po埋相出黎
我就得個恨字 好唔想見佢好開心咁
我自己都唔知係唔想佢搵其他fd
定係我妒忌佢有太多fd 有太多function/.\
跟住我就想慚慚唔搵佢

而家又唔知點算
全職經驗又冇 搵工都難
朋友又冇個 想出街又冇人陪
想搵fd介紹工俾我又冇fd
真係日日都唔開心 成日係度諗點解自己咁乞人憎
搞到以前有朋友都唔要自己
d fd就愈來愈多fd 同我就愈來愈疏離
心好痛 但成日都要扮冇野 扮唔在乎佢地
好辛苦 冇朋友真係好慘
一個月都唔知有冇出3次街
好想有人陪我行街 陪我唱k 陪我睇戲 陪我去玩 陪我過節日/_\