倉頡一問(執同著)

執
土十大弓戈
GJKNI

著
廿十大日
TJKA

倉頡輸入法:
執=(土)(十)(大)(弓)(水)，英文鍵盤輸入既(G)(J)(K)(N)(I)。
著=(廿)(十)(大)(日)，英文鍵盤輸入既(T)(J)(K)(A)。嘩，問幾個字20分都幾重禮下... ...我比個意見你吧，我睇你咁問應該都係岩岩學倉頡冇耐。
我以下所講既方法可能比起官式講法有小小出入，但都可以盡量了解下。
倉頡輸入法既拆碼方式可分為上至下，左至右，由最短既一個碼至最長既五個碼不等。例如係解釋個(解)字，由左上角至左下角既部首分為(弓)同埋(月)，而右上角既部首分為(尸)同埋(竹)，最後右下角既部首就係個(手)字，合共五個碼，(弓)(月)(尸)(竹)(手)，即係鍵盤英文輸入既(N)(B(S)(H)(Q)。
上呢個網吧 - (倉頡教室)，一定會教得比我更清楚。http://cj.tong.cc/chajei.html裏面一來會提供倉頡字母表比你認識邊個倉頡碼對邊個英文字母之餘亦會教埋倉頡輔助字型既類別，[例如:(一)可以配到個(工)字，(水)可以配到個(又)字]等等，仲會有埋輔助字型例子比你參考，真係好方便，總好過為小小問題用分數換取答案。

另外，假如你可能會有時侯有部分既字唔識打既時侯，你可以利用速成輸入法去打呢個字或者係配呢個字，打左或者係配左後會顥示返倉頡碼比你睇，如果你部電腦本身已經設定左既話。若果冇設定到你亦可從以下所列明既方法去設定。

從你所用既輸入法果度[速半-速全]、[倉半-倉全]既任何一個格格，用滑鼠右鍵佢，會顯示幾樣既，按內容，若你想知配左果個字速成碼點打既就按速成，倉頡碼點打既就按倉頡。

若果上面果個方法行唔通既話，可嘗試去控制台既[時鐘、語言和區域]，應該就有個叫做[變更鍵盤或其他輸入方法]，有個叫[鍵盤及語言]，裏面有一個叫[變更鍵盤]，鍵入去後會顯示你本身有既輸入法，若果你係用速成打果隻字想知果個倉頡碼係點打既就按速成後按內容，內容裏面既反查輸入字根果度按倉頡，鍵埋提示相關字詞後確認便可。

若果你認為太過複雜而想簡單D處理既話......，可直接係[速-中]或[倉-中]既位置度右鍵後按設定值，就按速成後按內容，內容裏面既反查輸入字根果度按倉頡，鍵埋提示相關字詞後確認便可。(註：緊記要鍵埋提示相關字詞，否則就配唔到字)。

若果連第二個方法都行唔通既話就幫你唔到，因我電腦知識都麻麻地，sorry！

比喻你用倉速頡輸入法唔識打個(機)字，可以利用速成輸入法打個(飛)字然後配個(機)字出黎，當配左(機)字既時侯就會顯示埋倉頡碼。

2011-03-07 05:39:04 補充：
錯誤：比喻你用倉速頡輸入法唔識打個(機)字，可以利用速成輸入法打個(飛)字然後配個(機)字出黎，當配左(機)字既時侯就會顯示埋倉頡碼。

正確：比喻你用倉頡輸入法唔識打個(機)字，可以利用速成輸入法打個(飛)字然後配個(機)字出黎，當配左(機)字既時侯就會顯示埋倉頡碼。

執
速成-->廿日
倉頡-->gjkni(土十大弓戈)

著
速成-->廿日
倉頡-->tjka(廿十大日)