毅進畢唔到業,重讀334?

連毅進既英文都好大可能唔合格, 會唔會係你根本唔係好適合 [文法中學] 同埋 [公開考試] 呢?

以前中學分成文法中學同職業先修學校. 好多人中英數唔叻, 就讀職業先修學校. 咁唔代表呢d人唔叻, 只係才能唔係文法方面. 後來職業先修學校式微, 呢類人被迫讀主流既中學, 就衍生出毅進計劃呢種考試要求比主流中學少d, 而著重實用性既課程, 比呢類人有多一個選擇. 334比舊制中學會考難好多, 而係等於A-level呢個入大學既資歷, 即係F.7; 而且334係主流文法教育, 比毅進更少實用性, 更著重英文, 對你就更不利啦.

所以, 你毅進英文唔得, 334更唔得, 更唔好講讀IVE/副學士. 建議你第一步, 執掂d英文先啦. 重讀毅進都只係英文呢兩個單元啫, 其他合格既單元唔使讀過. 可以兼讀形式重修英文, 呢一年內就有空閑時間惡補英文: 補習囉, 唔掂補到掂! 讀334莫講英文難, 由中四開始起碼要3年, 到頭來唔pass咪仲浪費時間!!

樓上 Wingyan 君講得好啱. 你將來想做咩先得架? 無論你拖延幾耐, 終有一日要出來做野, 讀書係準備將來就業既基本訓練. 冇目標梗係唔知讀咩好啦. 當你有目標, 會考證書/毅進證書係你敲門必備, 而唔係為左學歷而讀書.

而家未到大考, 唔好諗咁多, 盡力而為先, pass到幾多科就幾多科, 咁萬一要重讀, 負擔都細d. 又或者, 你根本有能力pass, 而家未發力, 就唔知呢? 知道自己英文唔好, 而家去補習都唔遲, 總之兩手準備, 好過等運到. 你未來既路係點, 就睇你今日點行.

加油喔!


2011-03-09 22:55:23 補充：
謝謝Zidane 的補充.

其實個新計劃係毅進既 [進化版]. 正如在下之前提到, 毅進是由 [職業先修] 進化而來, 當會考進化了, 毅進亦要跟住進化, 全因呢個社會, 不適合文法教育既人始終大有人在, 不論主流學校搞幾多通識, 幾多活動教學, etc.

2011-03-09 23:05:37 補充：
對於樓主已經有一堆毅進既單元揸係手, 真係唔好轉走住呀, 一來浪費之前既心力財力, 二來, 上完334考完公開試, 再試新計劃, 兜咁大個圈, 咪又係要讀識英文? 冇4年都唔成事, 出來咪又係等於毅進畢業?

所以, 樓主唔好唸轉走啦, 比心機讀好佢考好佢啦, 係要重讀英文單元就重讀啦,

More info for answer of catkan:
(334之後還有無計劃針對公開試未如理想者)
教育局現正與香港高等院校持續教育聯盟研究及設計一個類似毅進計劃模式的課程，以為成年學員及新高中學制學生提供另一進修途徑。這個新課程如決定推行，將於2012/13學年開辦。

1.全英

2.我覺得你首先要明白你自己目標先,,的確,334比毅進難好多!
你5想出黎做野.但你有冇諗過將來做D乜??如果你剩係想讀書GE話,咁不如讀多一年毅進仲好,,如果你係想讀夜校,,咁你日頭做D乜??如果係溫書,,你5識又點溫呢??

3.F4.因為你都話毅進5合格,,點讀中5??

其實我依家就咁答你問題都5算真係幫到你,,你又覺5覺呢??其實你揀過另一條路,如果揀錯會浪費好多野GA!
我希望你可以EMAIL OR MSN我,,我再同你講多D好嗎??=]
[email protected]

1.系全部英文

2.樓主連毅進都讀唔掂,更唔好講重讀334,334程度肯定比毅進深

3.毅進學歷系等同中五 (須10科合格),假如重讀334建議樓主讀中四打好個底