鏍絲太實, 有什麼方法可較易擰開

第一，你係咩螺絲呢？
六角頭？內六角？十字？一字？
第二，咩質地既螺絲呢？
至少都要睇下係金屬定係膠，
如果係膠唔好太用力...要慢慢陰力...
第三請搞清楚係咪左牙...有d螺絲係順時針先鬆既...掉轉方向的

先假設你既係金屬螺絲...
工具方面，六角同內六角既可以去買套扑，用合適既扑頭就好易拆...
扑 + 扑頭 英文叫做socket wrench

內六角、十字、一字你可以搵衝擊批
好似呢隻咁既...http://www.diytrade.com/china/3/products/1959147.html
個頭你可以自己裝一隻o岩用既頭，例如十字既可能有幾個唔同大細
然後你睇返佢有一個位有得set向左定向右
你set好左之後，個頭篤實左粒螺絲無位走啦，
然後你另一隻手就用隻槌仔一野打落去支衝擊批個頂
當你打落去支衝擊批到，佢就會向下壓實同時向你set好既方向轉
比一般螺絲批或方角匙都要大力

六角同內六角如果係用扑拆既話，仲有另一個技巧
就係用另一樣工具將支扑駁長佢，例如用隻令梗，
甚至用支長既水喉通，不過一定要搵多個人幫你頂住唔好俾隻扑甩
同埋小心一鬆或者撻個下...如果你隻手係捉實支通用死力
一甩、撻、鬆個下有機會成隻手直打出去...
如果係各住地下既又或者其他危險既野...個下無情力有機會爆手指骨

另外如無衝擊批，得普通工具都可以大力d去鬆十字同一字的，
方法係一隻手盡量壓實螺絲批，另一隻手用鉗仔，
有大力鉗(又叫拿鉗、士得鉗)就更好...
鉗實支螺絲批黎扭...你會發現會比較大力的...
當然~如果你隻手壓唔實你會發覺扭得大力時支螺絲批會走位走左上黎

其實只要活用你手頭上既工具，就地取材，
善用槓桿原理...簡單既工具就已經可以拆到好多野...

一字頭,十字頭鏍絲可以用" T "有横柄鏍絲批擰,好力好多.
無T字鏍絲批,可以用大力鉗幫力,將個鉗鉗實支鏍絲批,再推.
或者用板手咬住個批推.
六角鏍絲可以用鎚輕打支扳手.
希望可以幫到你.

2011-03-02 05:01:15 補充：
非常同意CHROS個解答.

用潤滑油啦~最實際嫁啦