第一次買車,不知可以怎麼辦?

完全唔懂機器, 未買過車, 又無相熟朋友, 車行, 又唔想被騙, 最好都係好似樓上講買新車, 一係就去D大車行, 如大昌行, 至少都會包你一段時間保養, 而且唔會係騙, 隱瞞.

去小車行買, 又唔熟人的話, 就要碰運氣, 就算比你任驗, 架車咁多部份, 都好難會睇得透, 二手車小問題一定有多少, 小車行的誠信你可以上網搜尋下D苦主就知. 除時買左番黎D維修費仲高過你買部新車. 錢銀事少, 安全事大, 成車人命真係唔好貪平少少, 我養左7年車, 香港地, 就算係買架新車, 相對你養車的費用, 車價跟本就唔應該係問題.

我3樣買車方法都試過晒, (去小車行買二車X3, 去大昌行買二手車X1, 同新車X2). 小車行次次都唔多唔少有D搵笨, 有次重一肚氣, 整車費用係仲高過車價, 最後唔夠一個月要賤賣 (蝕左成兩三萬蚊~~~). 大昌行就好D, 不過機器呢樣野, 有時唔係話佢特登騙你, 要駕得一段時間至出現, 又唔知上手係乜料, D車行實執到表面好靚, 但唔可信.

兩次新車經驗都同二手車無得比, 售後服務, 保養, 安心程度, 同新車過左磨合期既爽快 (同一個車款比), 真係要試過晒至知.

先驗車 後落訂最近有很多朋友在未驗車前便落訂，但當驗車後發 現車有問題。想取回訂就非常困難!因在簽合約時，賣方 通常會說:放心!如水浸，大撞,積木車會退訂，買家在聽賣 家這樣說都很放心！其實問題就在水浸、大撞、積木車， 這三個名詞。大家試想全世界有誰能夠為這三個名詞定 義！往往驗完車，明明駁陣,紅過火、有焊接，賣家都堅 持是小事！老實講:不是受到嚴重撞，又怎會要維修？賣 家會說：你話積木車,又沒駁頭、又沒駁尾！

你去細車行買，就要碰運氣，這是不變事實。我建議新手買車，如果能力許可，應買新車。