✔ 最佳答案
樓上HAHA兄講既野都算正確,中國自傳說中既夏朝開始已於華北平原地區成立中央集權政權,距今有四千多年。從嗰陣時開始,中國雖然經歷多次朝代更替,領土亦大幅變化,但我國多年來仍由中原地區政權管治,文化亦由此而來,各朝也以此為正宗,所以從廣義來講中國算係人類史上最長歷史既國家。
但如果問由一個政府連續管治最長既國家,據小弟所知應該係位於意大利中部既山城小國聖馬力諾(San Marino)。此小國傳說係公元301年9月3日立國,距今已有超過1700年。
另外,以一個國號來講國祚最長既國家應該係羅馬。羅馬傳說於公元前753年建城,其後經歷左王國、共和國及帝國時期,到公元3世紀分裂成東西羅馬帝國。後來西羅馬帝國係公元476年滅亡,東羅馬帝國繼續用羅馬呢個國號直至1453年。如果咁計,羅馬以同一個國號維持長達2200年,絕對係史上最長。