新手養燈魚問題

1.) 請問散買組件會比較好嗎? 我見有d AA牌魚缸一set過的買唔買得過?
唔好買一set過果d,分開散買組件會好好多,因為一set缸裹面果d野你未必啱用

2.) 請問散買大約幾錢? 本人預大約$5-6百左右budget不知夠不夠?
a.18"x10"x16" 缸,魚街(巨浪),大約$170
b.掛濾aquaone 500,魚街(卡奇),大约$80
c.雜牌氣泵,魚街(卡奇),大约$40
d.氣喉,1元1呎,當你要10呎先,魚街(卡奇),大约$10
e.水妖精,魚街(卡奇),大约$15
f.日本温度計,魚街(卡奇),大约$12
g.意大利暖管,牌子sicce 100w,魚街(大堡礁),大約$80
h.AA底喉,魚街(升輝),大約$38
i,Dazs潛水泵,魚街(升輝),大約$90
j.大沙一包,魚街(卡奇),大约$80
k.魚網一個,魚街(卡奇),大约$6
l.魚缸夾燈,魚街(升輝),大約$85
最平都要$700左右,呢d牌子平而且耐用,我用過,所以比你參考一下,
魚缸燈你唔養貴水草,所以用夾燈就可以,養贵水草又要改用鹵素管或者幾支T5光管先掂,
而且仲要加埋CO2。
如果缸底唔鋪野就唔洗用底喉同埋潛水泵。個butget就會係600以下,
未計魚兒同埋魚糧。

3.) 另外養燈魚缸底放乜好? 黑珍珠有用嗎? 唔想落泥.. 還有什麼好提議?
其實落乜都冇所謂,如果落沙石揀d幼细d d草會易養d。
我覺得落ADA黑泥最好,因為d泥巳经有營養比d水草,d水草會易養好多,
魚街(卡奇)ADA黑泥大约$120大包,點解唔想落泥呢？

4.) 用邊款濾水器好? 我驚有d濾水器條管會吸走d細魚卡住佢地而死.. 以前試過, 有咩方法解決?
用掛濾幾好,因為平而且清洗又方便。
d魚有事就快死先會比濾水器條管吸住,d魚健康正常係唔會架！

5.) 想養少少水草個缸靚d, 係咪有d草唔洗落泥&唔要求高既照光都養到?
係,水溶,茜,蜈蚣草,同埋好多$10棵既草都可以。

6.) 想買舊沈木+有水草綑住的(好似叫水榕/莫絲?) 但記得好似會有機會令水變黃, 如何避免沈木令水變黃的問題?
你買沈木番黎要用水浸架！用個膠盆浸住沈木,d色會甩出黎,
每日要換水,直至沈木唔甩色為止。如果覺得麻煩可以買舊既沈木,
人地之前用過浸左所以唔甩色,買左番黎洗一洗即刻可以用得。

7.) 買燈要幾多W先好? 養d粗生平價水草, 我記得水榕有一塊塊葉, 莫絲係一pat pat, 咁有冇d平野係一支支的?
如果養平草18W慳電胆都夠用,茜同埋蜈蚣草都係一支支的。

8.) 上網睇到燈魚要弱酸性水質, 那如何令水keep住係弱酸性?
只要換水唔好換得太密,d魚疴屎出黎就會整到d水弱酸性架啦！

9.) 除以上提及的器材仲有冇要加?
如果你想養貴d既草,一定要鹵素管或者幾支T5光管,再加埋CO2先得,
如果唔係d草會死。

10.) 燈魚有冇邊隻係一定唔可以混養? 我想養新燈,紅鼻,鉛筆,藍眼,飛狐/小精靈, 咁樣有冇問題? 18"缸可以養到幾多條呢d魚? 魚既比例又點先較好呢?
應該冇問题。
如果係淨缸冇任何水草魚場一定可以養到1000條。
好難講養到幾多條呢d魚,因為唔知你養幾多水草,
一般來說100條一定冇問题,如果係淨缸冇任何水草肯定養到500條。

希望你可以養到一缸健康燈魚啦！

代答(Tsui Winson)

1.底喉同潛水泵是用來把黑泥或沙石裏面d污漕野抽出來的,如果唔用底喉同潛水泵鋪黑泥或沙石係缸底,全缸d魚好快會死哂, 因為d魚屎同食剩d野入左黑泥或沙石裏面,會滋生細菌, 冇底喉同潛水泵抽唔番d污漕野出黎,全缸魚會死哂,好大鑊, 所以一定要落左底喉同潛水泵落缸底先至鋪黑泥或沙石上面, 底喉唔係間間魚用器材舖都有得賣,你去魚街(升輝)就有得賣, 如果你唔知係乜野講個缸size比店員知,佢地就會知道攞比你。


2a.放左底喉同潛水泵落缸底之後, 將包ADA黑泥鋪上面姐住哂d底喉,然後慢慢放水入魚缸, 要較細d水,唔好甘大,因為太大水整濁左d水有排都濾唔清, 出水個咀要射向缸邊,唔好直接射落d泥果度, D水載滿魚缸之後,第一缸水唔好要,吸番走哂出黎, 用呢個方法再入滿水,第二缸水可以要, D水可能唔清,唔緊要,係正常架！ 2b.跟住開哂d濾水器、潛水泵、氣泵、暖管、 等幾日d水就會濾清番哂,跟住可以買水草, 買個水草夾會方便d,洗乾淨d水草就可以種係泥入面, 千其唔好用水喉沖d水草,甘樣會好容易斷草, 用個膠盆浸住d草來洗就ok,搞掂哂d草就可以買魚, 放魚之前要落粗鹽,每10公升水落一匙,食飯盒果隻匙, 水位計: 長?寸x闊?寸x高?寸÷62=?公升水 甘d魚就冇甘容易有病, 跟住成包魚浸入魚缸等30分鐘,等d魚適應左水温, 然後剪袋,袋裏面d水全部唔要,撈魚入缸就搞掂。


3.換水最好一星期2次,每次換1/3缸。


4.除了黑泥和沙石,仲有石春可以鋪缸底,不過石春種唔到草。

5.黑泥易處埋d,因為泥有營養,所以d草冇甘易死, 換水時出水口一定要較慢d,射向缸邊,唔好射向泥果度, 如果唔係搞到d水濁哂會好易死魚。


6.起碼3年以上先至大換一次泥,冇必要都唔好換, 因為非常非常麻煩,3年之後缸魚冇乜野就唔洗搞佢, 唔好刻意幫個缸換泥,因為d魚適應唔到會好易死。


7.魚缸燈可以考慮用LED夾燈,又慳電而且好光, 用JAD呢隻牌子LED夾燈,魚街(維港)$165, 暫時LED燈中最平,而且光度夠哂光,啱哂養草。