香港的刑事施法程序流程

有人報案
差佬查案
拉疑犯
警戒
落口供 (錄影VIR 或手寫) -> 打八爪 -> 影沙龍
未夠料就警署保釋 (police bail)候查 -> 俾保釋金 -> 定時到警署報到
夠料就落暫定控罪 (holding charge) -> 上裁判法院過堂不反對担保 -> 由法庭定担保條件反對担保 –> 扣留警署 / 收押所 -> 向原訟庭申請担保申請担保成功 -> 俾保釋金 -> 定時到警署報到申請担保不成功 ->扣留警署 / 收押所候查
差佬繼續搜証
上裁判法院過堂 / 轉擔保
差佬搜証完畢 -> 寫 case report -> 交律政署
律政署決定告唔告告 -> 正式落 charge唔告 -> 放人 / 攞番保釋金
過堂 - 問認唔認罪 (Take plea) 認罪 -> 另定日子判刑 / 轉介上級法院判刑 -> 判刑唔認罪 -> 另定日子審訊 / 轉介上級法院審訊 -> PTR (Pre-Trial Review 預審) -> 審訊審訊無罪 -> 放人審訊有罪 -> 三世書 / 攞報告 -> 求情 -> 判刑
判刑 -> 不上訴 / 上訴不上訴 -> 叠埋心水服刑上訴 - 上訴裁判法院定罪 -> 向原訟庭上訴上訴 - 上訴區域法院 / 原訟庭定罪 -> 向上訴庭上訴上訴成功 -> 判刑擱置 / 改判 / 重審原訟庭上訴不成功 -> 向上訴庭上訴上訴庭上訴不成功 -> 向終審庭終審庭上訴成功 -> 判刑擱置 / 改判 / 重審終審庭上訴不成功 -> 叠埋心水服刑

2011-03-02 16:52:40 補充：
sorry 無 flowchart 軟件, 希望你睇得明. 唔明請發問.

在

裁判法院同高等法院就唔清楚... ... ，如果係區域法院都知D既... ...
比人報警抓左或者你犯案果陣比警方發現左，先抓返警署，警員會在口供室表明自己所屬既部門及今次所調查既事件，若無證據仲調查緊最多留你48小時，若有證據會警戒你果條控罪，然後同你落個詳細既口供，落完口供後會向上級報告，考慮會否比你保釋。

若唔批准保釋會扣留你直至你上法庭被判刑後，在上庭期間你可向裁判官申請保釋，批唔批就另一回事了，若唔批的話亦可再向高等法院申請保釋，若高等法院都唔批准保釋就... ...。

若果警方准你保釋，會給你一張具保書，具保書係一張好似A4咁既紙黎，裏面會列出你個人既詳細資料，以及會列出日期同時間要你到所屬既警署進行擔保，若果警方或律政司方面正式落案起訴你或者唔起訴你，會致電給你或者到你下一次再進行擔保時會向你解釋，若唔告既當然警司警戒可以走，若告既會向你發出一張傳票或者係具保書及控罪紙要你簽個名，可能正式告你原本犯果條之外，另外會有機會會加控多幾條，視乎你當初所犯既事有冇涉及到其他而漏左未控，到時警員會向你解釋詳情，若果你今次所犯既事件會轉介到區域法院，唔需等到上庭，係口供室會講埋定比你聽。具保書裏會列出上庭既日期同埋時間，正常情況下之前都比得你保釋，應該都仲可以保釋自行上庭。

法律援助律師／私人律師

到上裁判法院果日係法院裏有個辦公室有得申請當值律師服務，申請左係你今日提堂會臨時派個當值律師幫你解決第一堂先，第一堂免費的，上第一堂時毋需答辯，只需回應明唔明白就OK，控方會向裁判官解釋(例如係話得到律政司既指示，案件會係幾月幾日會轉介區域法院審)，而當值律師會向裁判官提出條件幫你保釋，都係好似上面咁講，正常情況下之前都比得你保釋，應該仲可以... ...。若批准保釋既話盡快帶備同意檢控書同有關文件到香港金鐘道66號金鐘道政府合署24樓法律援助署總部申請法律援助，因為申請都需要D時間下，當然你有私人律師就唔洗。申請法律援助需要通過案情審批和入息審查等等，我冇記錯既話就算審批左都要交420元做手續費。

接著第二堂會上區域法院再度續期第三堂再審，法律援助署會係呢堂又係派個臨時律師比你，呢堂亦都唔洗答辯，只需回應法官明唔明白就OK，呢堂律師亦會繼續幫你申請保釋，控方有機會反對／不反對保釋，法官會隨後宣佈幾時再上庭審訊。若果仲批准到保釋既話，在你離庭後要係庭外門口等侯懲教職員帶你入一個辦公室留底你Ｄ例如姓名、電話等等既聯絡資料，然後等到指定當日上第三堂。

保釋期間，會接到法律援助署的電告，去索取一份(例如係修訂法律援助證書)，裏面列出所批比你既律師姓名同聯絡電話等等，待你自行會見律師以及商討案情。

第三堂就係關鍵，會問你認唔認罪，若果唔認罪既話我就唔係太清楚係點，若果認罪既話會宣讀案情摘要，關於口供及(證物或相片證物)果類，會問你同唔同意，若案情宣讀完畢後，辯方律師會幫你求情，控方亦有可能反對或者冇意見，最後就睇個官了，若求情成功固然之好，另外就算控方冇反對或者冇意見都好，法官亦有機會直接推翻律師所提出既求情要求，將被告收押，等侯索取法官所講明既報告(例如係感化報告、精神、心理、又或者係教導所報告後再到指定既日子由懲教帶上庭聽取判決。)

(註：即使到指定既日子由懲教帶上庭聽取判決都未必一定會有結果，可能再要押後再索取其他報告)。

另外上訴方面我都唔係太清楚，望盡量幫到下你。