女朋友要提出分手.不知如何是好/.\

夾心餅真係好難做，女朋友個心其實係十五十六。所以分手同強逼手方都係行唔通。
其實將事情追得緊，反而無好處。應該比時間佢同空間佢。
拖照拍，拍拖無指定要時時刻刻糖痴豆咁先叫拍拖！父母反對，因為女方仲細！無能力亦不懂拒絕。咪將拍拖暫時定係校園範圍內。父母唔知，女方唔講，父母壓力就自然無！等日後你地感情更深更長，女仔大個左自自然然會有得發展
唔好強迫女方主動忘記以前。前男友始終係前男友，只係一個記憶！只要你比足夠空間佢，時間佢，同細心溫柔。我相信你無理由唔夠一段過去比！
地下情好似好辛苦咁！但你要明白，現在先要為女朋友著想。比空間同時間佢接受好既你！父母都逼佢，唔通你仲想逼佢。愛情就係要為對方著想！
係佢依刻~~需要既係溫柔而長情既男朋友！太注重一時得失唔係好事。

算吧啦
既然佢仲留戀前男友
根本佢就未完全擺你上心
繼續一齊都冇意思
就算你地最終冇分開
你可以容忍你既女友心入面仲有另一個人咩?
仲要係你女友既前男友?
你話你接受到既咁冇野好講
繼續氹佢總會成功
但我相信大部份既男仔都唔會接受到
留到佢既人
留唔到佢既心有乜用?
你睇清楚D呢個女仔啦
明明仲留戀於前男友
但就同你一齊
佢可能只當你係水泡咋
令對方鐘意自己唔係拍緊拖先黎做架
緊係喺一齊之前就令對方完全鐘意自己架啦
我明白你唔想放棄
但既然佢提出得分手
表示佢已經考慮清楚呢段感情係時候應該中斷
佢俾你氹一氹又有動搖
咁表示佢好享受有人著緊佢
佢當你係娛樂自己既工具
你唔係仲留戀D咁既女仔下話?
或者我上面講既野你未必認同
簡單D
拍拖如果唔係完全鐘意對方咁拍黎都無謂
早D分開仲好
如果你真係鐘意佢既
慢慢等啦
等到佢放低哂以前同完全鐘意你既時候就再嘗試同返佢一齊啦

意見係咁多
希望你可以諗清楚啦

好簡單，夾響你同屋企人之間，她做磨心真系好辛苦，你最好直接同她屋企人講清楚。

其實分開下都系好事,比大家一個冷靜,問自己為什麼會分手,不過我認為你們分手會好d,系呢個時間,你們應該以學業為重,不過如果你真系好中意她,你好應該問她真系因為那原因同你分手,如果她說系,你就應該留住她!+oil!

你可以試下氹佢啦,
如果佢都系吾想,
你就冇得再搞住佢嫁啦,
你都吾想佢覺得你煩嫁ma!
佢可能想分開下,
等下佢啦!~