未夠期搬走，可吾可以拎番按金

我2010年12月28號租左一間套房，當時業主冇同我講過間屋有咩問題。但係我俾哂按金，簽哂租約先同我講話個廁所塞左，好快搵人黎整。
好啦甘，我諗住都俾哂錢，佢又話會搵人黎整，甘咪算數囉。但係期後，只係搵佢個契細佬黎倒o的通渠水，用o的bump bump下，但係都整吾到。之後佢就話會搵人鋸左條舊渠，整過條新渠，一直都講，又話其他租客吾肯夾錢，又話格過價好貴，吾忍心要o的租客夾甘多錢，又話要等頭房o的個租客番黎先可以睇到條渠點樣出大渠，就一直拖一直拖都冇整過。1月成個月，差吾多到新年，又話o的師傅吾得閒黎整o的小工程，話要等到過完年先整，依家過完年甘耐，有幾個師傅黎睇過，但係都冇整過。我住左係度差吾多2個月，一次大便都未係度去過。
因為下個月中到，我bb就要出世，吾想繼續係度住，所以係月中ge時候同左佢講，我地租埋今個月，下個月1號就搬走(因為1號起租)。佢都答應過會俾番按金我地。
但係尋日，同個業主因為條渠吵左大鑊，驚佢賴皮吾俾番按金我地(因為租約度寫要一個月通知)，我地已經搵左地方搬，依家吾係我地冇事冇幹搬走，而係佢間屋住吾到人。同埋佢話會俾番按金我，呢句野有其他人聽到。
1.如果我搬o固日，佢真係吾俾番按金我，我可吾可以報警
2.我搬入黎之前佢冇同我講到條渠塞左，佢算吾算欺詐
3.我大肚，要成日去廁所，依家住甘耐，我都冇係過屋企去大便，我可吾可以追討番賠償

吾該搵人答下我，要真正ge答，吾需要o的咩電話叫我去用法律咨詢