✔ 最佳答案
1. 睇第2個私家醫生, 先聽佢ge意見, 再講/唔講第1個醫生ge意見. (不過多數都冇咩用, 都係話你嚴重喉嚨發炎. 你問埋醫生, 會唔會有可能係口腔癌. 醫生都好有可能答你: 你咁後生, 又冇食檳榔, 機會好微ge.)
2. 睇一個私家耳鼻喉專科. 佢認為有需要再轉介醫院專科, 也可轉介公立醫院專科. (呢個方法貴d, 不過快d知道係唔係真係只係嚴重喉嚨發炎. 如果真係只係嚴重喉嚨發炎, 佢d用藥都會好過普通家庭醫生, 一d簡單ge小手術eg.放膿, 都可以做埋.)
3. 直接請第1個醫生寫轉介信俾你去公立醫院睇專科. 專科會睇你封信寫ge情況決定使唔使提前睇. (所以封信要寫你喉嚨痛左幾耐, 幾時出現潰瘍, 幾時有幾多個洞......醫生應該識寫, 唔會淨係寫喉嚨痛ge?)
4. 如果你都幾肯定, or, 你痛得好辛苦, 可以預備多d時間, 報刊, 直接去公立醫院急症室. 等幾個鐘之後都一定會見到醫生, 有需要ge話會做儀器檢查. 懷疑canncer 會通知你再翻去睇專科.
(我家人睇私家醫生睇左大半年, 個個都話係肌肉發炎, 又唔肯寫轉介信. 用呢個方法係急症等左大半日. 過兩日電話到翻去專科抽細胞檢查, 前後唔駛兩個星期証實鼻咽癌晚期).
除左等之外, 仲要有心理準備睇人面色, 俾人話小題大做, 使唔使睇急症......之類.
祝你早日痊癒!
2011-02-21 04:22:33 補充：
唔知佢肯唔肯寫? 政府門診會強硬d. 私家會比較容易d.
寫左再去政府專科排期, 如果佢齋睇信唔覺得你urgent, 都要排好多個月. 你認為你等唔等得?
都可以做左先. 如果真係冇回音, 即係表示佢地都認為你唔係咁嚴重.
到時你仲未好, 又唔放心, 先至再自己去睇私家專科.
多d 休息飲水, 戒熱氣野.
有冇飲陣年咸柑桔? 濃鹽水啷口ar?
喉嚨痛快d好番就唔使煩la.
